Azərbaycanla Ermənistan arasında sərhədlərin delimitasiya və demarkasiya prosesi ilə bağlı ilkin addımlar atılıb. Sözsüz ki, üç mühüm sənəddə 1991-ci Almatı razılaşması, 1976 və 1979-cu illərin hərbi xəritələrinə istinadən iş aparılıb. 

Sərhədin ayrı-ayrı hissələrinə aid başqa hansı sənədlərə istinad edilə bilər?

Məsələ ilə bağlı Ednews-a danışan siyasi ekspert Samir Hümbətov gələcəkdə daha qədim xəritələrdən istifadə oluna biləcəyini qeyd edib:

“Tərəflər arasında razılıq hələ ki, Almatı prinsipi və eyni zamanda 1976 və 1979-cu il xəritələrindən istifadə olunmasından ibarətdir. Təbii ki, bu məsələdə kimin daha çox təsir imkanları çoxdur ona da baxılır. Sözsüz ki, Azərbaycanın imkanları daha genişdir. Çünki, qalib tərəf Azərbaycandır və danışıqlar prosesinə də Ermənistanı vadar edən Azərbaycandır. 

Buna görə də, Azərbaycanın istəyinə uyğun olaraq xəritələrin ortaya qoyulması mümkündür. Nəzərə almaq lazımdır ki, hətta 2020-ci ildən başlayaraq son dövrlərdə olan xəritələrin Azərbaycan üçün məqbuldur. Çünki, o xəritələrin hər birində bu və ya digər formada Azərbaycan ərazilərinin Ermənistana verilməsi ilə bağlı məlumatlar var. Bütün bunlar xəritədə göstərilir. 

Düşünürəm ki, hələ istifadə edilən 1976 və 1979-u il xəritələridir. Bu hal ötən əsrin 1920-30-cu illərinə qədər gedib çıxa bilər. Yəni o dövrün xəritələri belə araşdırıla bilər. Lakin, hələ ki, delimitasiya prosesi Almatı prinsipi və 1976-1979-cu illərin xəritələri ilə həyata keçirilir.”

Fərid Axund