Fransa Rusiya üçün son dərəcə faydalı olan Şimal-Cənub dəhlizinin yaradılmasına qarşı çıxmaq və Ermənistanı bu layihəyə qoşulmaqdan kənarlaşdırmaq məqsədilə Cənubi Qafqazda fəallaşıb. Fransa niyə məkrli planlarından vaz keçmir? Həmçinin, Ermənistan və Fransa hərbi-texniki əməkdaşlıq haqqında saziş imzalayıblar. Fransa Ermənistanı silahlandırmaqla Cənubi Qafqazda hansı geosiyasi maraqları güdür?
Fransalı politoloq, ADA Universitetinin İnkişaf və Diplomatiya İnstitutunun elmi işçisi Maksim Qaouin mövzu ilə bağlı Ednews - a fikirlərini bölüşüb. O, bildirib ki, Fransanın hazırda məqsədi Rusiyanın Cənubi Qafqazdan çıxması prosesini sürətləndirməkdir.
"Burada ilkin olaraq xatırlamaq lazımdır ki, Rusiyanın Ukraynaya müdaxiləsi və Ukraynada qələbə qazanacağı təqdirdə Baltikyanı ölkələrə açıq şəkildə hücumla hədələməsi ilə birlikdə ABŞ - Aİ Moskvanı sanksiyalarla cəzalandırır. Bu çərçivədə bir mövzu daha gözdən qaçmamalıdır. Şimal - Cənub dəhlizi məsələsində sanksiyaya məruz qalan başqa bir ölkə də iştirak edir: İran. Aydındır ki, hazırda Rusiyanın Cənubi Qafqazdan çıxarılması prosesi gedir. Nikol Paşinyan Ermənistanın KTMT-dən sadə dillə çıxdığını açıqladı. Bu maraqlar Azərbaycanın maraqlarına xidmət edir. Ötən il Azərbaycanda da narahatlıq hissi var idi. Bəs nə baş verdi? Ermənistan Xankəndinin Azərbaycan ordusu tərəfindən azad edilməsinə prosesinə qarşı separatçı qurumu müdafiə etmək üçün bir dəfə də olsun atəş açmayıb. Nikol Paşinyan Azərbaycanın ərazi bütövlüyünü yazılı formada, bütün rəqəmləri ilə tanıyan Qrenada bəyannaməsini imzalayıb. Ermənistan və Azərbaycan tarixdə ilk dəfə olaraq bir-birini diplomatik sahədə dəstəklədilər. İrəvan ümumi razılaşma ilə işğal etdiyi dörd kəndi geri verdi və sərhədin müəyyənləşdirilməsi bir neçə ay ərzində görülməmiş bir irəliləyiş əldə edib".
Politoloq bildirib ki, Ermənistana göndərilməsi planlaşdırılan artilleriya qurğuları yaxın günlərdə gerçəkləşməsi real görünmür:
Doğrudur, 2023-cü ildə və bu ilin birinci yarısında Fransa Ermənistana döyüş meydanında yararsız olan silah növləri göndərib. Lakin indiki razılaşmaq, həqiqətən də ciddidir. Dünyanın ən yaxşısı, rus artilleriyasının ən çox qorxduğu CAESAR tipli artilleriya qurğularının Ermənistana göndərməyə razılaşıb. Lakin burada bir mühüm məqam var ki, bu qeyd edilmir. Fransa hər ay 8 CAESAR istehsal edir və tezliklə onların sayı 12 olacaq. Sifarişlərin 607 - si Ukraynaya göndərilməsi üçün nəzərdə tutulub. Bu da o, deməkdir ki, yaxın tarixdə Ermənistan bu qurğuların göndərilməsi gözlənilmir. Ukrayna münaqişəsinin bitməyəcəyi təqdirdə isə bu uzun müddət alacaq.
Ermənistan Parisdən qısa mənzilli yer-hava raketləri (Mistral) üçün razılaşmağa çalışdı, lakin heç bir müqavilə imzalanmadı. Mistral razılaşmaslı isə hələ Paris tərəfindən Ermənistanı Azərbaycanla sülh imzalamağa inandırmaq üçün təzyiq vasitəsi kimi saxlanılır. Fransa Azərbaycanın gücləndiyini dərk edir. Rusiya sülhməramlılarının da Bakı hökümətinin uğurlu siyasəti nəticəsində Qarabağdan çıxarması, Paris hökümətini burada daha da aktivləşdirir".
Əkbər Novruz
