Azərbaycanda keçiriləcək parlament və bələdiyyə seçkilərinin manatın məzənnəsinə təsir etməsi haqqında gözləntilər var. Bir çoxları ölkədə baş verə biləcək dəyişikliklərin iqtisadiyyata təsirsiz keçməyəcəyini iddia edir.
Görəsən seçkilərdən sonra manatın məzənnəsində geriləmə yaşana bilər?
Mövzu ilə bağlı Ednews-a danışan iqtisadçı ekspert Eldəniz Əmirov manatın məzənnəsinin dəyişməyəcəyini bildirib:
“Ölkədə parlament və bələdiyyə seçkilərindən sonra, qısa müddət ərzində manatın devalvasiyaya uğramasını gözləmirəm. Çünki, manatın məzənnə stabilliyinin qorunub saxlanılması hazırda ölkədə makro iqtisadi tarazlığın qorunması üçün çox vacib bir faktordur.
Buna görə də, düşünürəm ki, Mərkəzi Bank tərəfindən hələ bir müddət manatın məzənnə stabilliyi qorunub saxlanılacaq. Ən azı düşünürəm ki, biz 2024-cü ilin sonuna qədər manatın məzənnəsində heç bir dəyişikliyik görməyəcəyik.”
