"Bizim Qarabağ sakinlərinin hüquqlarına dair mövqeyimiz aydındır. Biz Azərbaycan ərazi bütövlüyünü tanıyır və bunu vurğulayırıq, amma eyni zamanda Qarabağda yaşayan ermənilərin hüquqlarının qorunmasının vacibliyini hesab edirik. Bu məsələ bir yara kimidir və bu yaranı sağaltmaq lazımdır. Əgər bu yara sağalmazsa, o yenidən açıla bilər. Dayanıqlı sülhdən danışılarkən bu yara da nəzərə alınmalıdır. Ümid edirik ki, Qarabağ sakinlərinin evlərini könüllü şəkildə tərk etmədikləri kimi, onların könüllü olaraq evlərinə qayıtmaları üçün şərait yaradılacaq."

Ednews xəbər verir ki, İranın Ermənistandakı səfiri Mehdi Sobhaninin Azadlıq Radiosunun erməni xidmətinə verdiyi müsahibədə dedikləri:

"Onların bu ərazini tərk etmələrinin əsas səbəbi təhlükəsizlik hiss etməmələridir. Qaçqınlar gələndə mən özüm qarabağlılarla danışmışam, Kapan’a getmişəm, onlarla sonra da söhbət etmişəm. Onlar dedilər ki, “biz evlərimizi könüllü tərk etməmişik”. Heç kim evini könüllü tərk etmir. Onlar təhlükəsizlik hiss etmədiklərini və buna görə evlərini tərk etdiklərini dedilər. Onlar könüllü getmədilər, amma ümid edirik ki, onların evlərinə könüllü şəkildə qayıtmaları üçün şərait yaradılacaq."