"Məni prezident Obama səfir təyin etdi. O, mənim üçün çox gözəl bir şey etdi, baxmayaraq ki, senator Menendez mənim namizədliyimə qarşı çıxdı. Menendez nəinki mane oldu, həm də mənim təyinatım üçün səsverməni blokladı. İndi isə mən hesab edirəm ki, onun korrupsiya ittihamlarına görə, ərəb qızılı ilə əlaqədar olaraq, uzun illər həbsdə qalma ehtimalı böyükdür."

Ednews xəbər verir ki, bu fikirləri ABŞ-ın Azərbaycandakı keçmiş səfiri Metyu Braza bildirib: 

"Bu şəxs mənim təyinatıma mane oldu. Niyə? Çünki o, ABŞ-dakı erməni diasporasından pul alıb, hansı ki, bəzi radikal qruplar tərəfindən dəstəklənir. Bu qrupların keçmiş KQB agentləri və ekstremistlərlə əlaqələri var, onlar keçmişdə türk diplomatlarına qarşı terror aktları törədiblər. Menendez onlardan pul alıb və bu, onun mənim təyinatıma qarşı çıxmasının səbəbi idi.

Niyə məhz sizin təyinatınıza qarşı çıxdılar? Birincisi, mənim həyat yoldaşım türkiyəlidir. İkincisi, mən Ağ Evdə çalışarkən hər il ABŞ prezidentinin 1915-ci il hadisələri ilə bağlı bəyanatının layihəsini yazırdım. Bəziləri, Baydenin etdiyi kimi, prezidentin bu hadisələri soyqırımı adlandırmasını istəyirdilər. Mən şəxsi inamlarımı açıqlaya bilməsəm də, nəticədə prezident bu hadisələri soyqırımı adlandırmamaq qərarına gəldi və bu, mənfi reaksiya doğurdu.

Üçüncü amil odur ki, Barak Obama namizəd olduğu zaman bu hadisələri soyqırımı adlandıracağını dedi, amma bunu etmədi. Bu qrup prezidentə qarşı qisas almaq və ona qarşı bir şey etmək istəyirdi, amma nəticədə bu, böyük əhəmiyyət kəsb etmədi. Mən Azərbaycanda yalnız bir il qala bildim, amma bu, mənim üçün böyük bir şərəf idi. Təyinatım baş tutmasa belə, mən yenə də diplomatik xidmətdən ayrılıb biznesə keçmək niyyətində idim."

Daha ətraflı videoda: