Fransanın keçmiş xarici işlər naziri Ketrin Kolonna özünün sosial şəbəkələrdəki səhifələrində Ermənistanın Avropa Sülh Fondu tərəfindən maliyyələşdirilməsini mədh edərək yazıb: “Xoş xəbəri eşitdiyimə şadam: Ermənistan Avropa Sülh Fonduna çıxış əldə edə biləcək”. 

Fransanı başa düşdük, bəs Avropa İttifaqı niyə Parisin bu təxribatına boyun əyib? Axı, Azərbaycan Avropa İttifaqının Cənubi Qafqazda ən sıx ticari əlaqələrə malik olduğu ölkədir. Bu təşəbbüs Aİ Azərbaycan münasibətlərində özünün təsirini göstərəcəkmi?

“Fransa siyasi, İqtisadi və mədəni sahədə fəaliyyət  beynəlxalq təşkilatlarda geniş şəbəkəyə sahib bir ölkədir. Fransız höküməti zaman-zaman müxtəlif mövzular üzrə bu koalisiyanı zaman-zaman işə salır və bu koalisiyadan aktiv şəkildə Azərbaycana qarşı istifadə edirlər. Avropa İttifaqının Fransa keçmiş Xarici İşlər nazirini sevindirən 10 milyonluq qərarı da bu aspektdən dəyərləndirməlidir.” 

Ednews xəbər verir ki, bu fikirləri siyasi ekspert Yeganə Hacıyeva bildirib. Ekspertin sözlərinə görə, erməni lobbisi dünyada olduqca böyük bir şəbəkəyə sahibdir:

“Burada bəzi vacib məqamlar da var, məsələn Azərbaycana qarşı atılmış addımlarda təkcə Fransa yox, həm də bir sıra digər Aİ dövlətlərinin, eləcə də erməni lobbisinin də rolu olub. Erməni lobbisi, maraqları olduğu bütün dövlətlərdə və müxtəlif təşkilatlarda şəbəkəyə malikdir. 

Postsovet ölkələrdəki erməni lobbisi onların digər ölkələrdə də necə şəbəkələşdiyinin bir nümunəsidir. Avropa qurumlarındakı anti-Azərbaycan demarşında, Fransadan kənarda bu və ya digər formada erməni lobbisi ilə birlikdə fəaliyyət göstərən fransız rəsmilərinin və onların siyasi-iqtisadi şəbəkələrinin böyük rolu var. 

Ona görə də, Azərbaycana qarşı atılan addımlarda biz belə bir geniş şəbəkə görürük. Maraqlı məqam odur ki, aradan keçən 30 il ərzində Azərbaycan istər beynəlxalq təşkilatlarda, istərsə də Avropa qurumlarında strateji günlərdə öz sözünü deyəcək kiçik də olsa bir şəbəkəyə malik deyil.”

Fərid