ABŞ prezidentliyinə namizəd, keçmiş Amerika lideri Donald Tramp “Lend-Lease” proqramı çərçivəsində Ukraynanı silahla təmin edə, bunun üçün 500 milyard dollar ayıra bilər. Tramp dönəmində dövlət katibi işləmiş (2018-2021), Mərkəzi Kəşfiyyat İdarəsinin (MKİ) keçmiş direktoru Mayk Pompeo bu qənaətdədir.
Bəs Pompeo bu açıqlamaları ilə nəyin anonsunu verir? Onun tezisləri nə dərəcədə əsaslıdır? Tramp belə bir plana qol qoyarmı? Halbuki bildiyimiz kimi Tramp 2022 - ci ildən etibarən müharibəni dəstəkləmək yox bitirmək və ya bitirəcək iddiası ilə çıxış edir.
Britaniyalı siyasi şərhçi Neil Uotson mövzu ətrafında Ednews - a danışıb. O, bildirib ki, bu Trampın planı ola bilər və burada məqsəd xalqın nəbzini yoxlamaqdır.
"İkinci Şuşa Qlobal Media Konfransı zamanı prezident İlham Əliyev də qeyd etmişdi ki, keçmiş prezident Tramp dövründə heç vaxt müharibə vəziyyəti olmayıb və bu fakt danılmazdır. Şübhəsiz ki, o, "müharibəyə son qoyacağam" iddiası ilə çıxış edib. Hərçənd o, praqmatik və şıltaq xarakterli, ABŞ-ın maraqlarını ürəyində sıx saxlayan bir siyasətçidir. O, bu qeyri-müəyyən bəyanatları ilə ABŞ əhalisinin keçmiş və mütəmadi düşməni olan Rusiyaya qarşı müharibəni dəstəkləyən sektoruna müraciət etmək istəyir. O, həmçinin görür ki, əgər Ukrayna NATO-ya, Amerika konstruksiyasına qoşulsa, o, Şərqi Avropada və postsovet məkanında Amerikanın peykinə çevrilə bilər. Həmçinin, təklif olunan silah istehsalı Amerikanın müdafiə sənayesini dəstəkləmək kimi qiymətləndirilə bilər. Ermənistanın baş naziri Paşinyan kimi o, siyasi fiqurlarlar - Pompeo vasitəsilə konkret auditoriyaya zahirən ziddiyyətli mesajlar çatdırır. Burada isə məqsəd xalqın nəbzini yoxlamaqdır".
Əkbər Novruz
