Ukrayna ordusu artıq Kurskda ciddi şəkildə irəliləyir. Rusiyanın əhəmiyyətli Sudja şəhərini ələ keçirən Urayna qoşunları sərhəd daxili ərazilərə yönəlib. Rusiya ərazisinə edilən bu müdaxilə KTMT-nin də münaqişəyə dail olmasına gətirib çıxara bilər?
“KTMT daxilində bu müdaxilənin zəruriliyi və müttəfiqlərin köməyinə ehtiyac məsələsi qaldırılmayana qədər, rəsmi olaraq KTMT münaqişəyə müdaxilə edə bilməz. Yəni, KTMT rəhbərliyi çərçivəsində rəsmi məktublar, sənədlər göndəriləcək və qərar elan olunacaq. Hələ ki, bunların heç biri baş verməyib.
Digər tərəfdən də Rusiya və Ukrayna arasında müharibənin rəsmi statusu yoxdur. Rusiyada buna müharibə yox, xüsusi hərbi əməliyyat deyilir.”
Ednews xəbər verir ki, bu fikirləri özəl açıqlamasında rusiyalı plitoloq Boqdan Bezpalko bildirib. Ekspert qeyd edib ki, iki ölkə də bir-birinə rəsmi şəkildə müharibə elan etməyib:
“Rusiya Ukraynaya müharibə elan etməyib. Ukrayna da rəsmi olaraq Rusiyaya müharibə elan etməyib. Bu, həm də Rusiyanın hər hansı müttəfiqi cəlb etməsinin qeyri-mümkün olması üçün edilir.
Əgər Ukrayna Rusiyaya rəsmən müharibə elan etsə, Rusiya öz müttəfiqlərinə, ümumiyyətlə, müharibə vəziyyəti üçün hazır olan bir sıra beynəlxalq müqavilələrə və mexanizmlərə müraciət edə bilər.
Əlbəttə ki, təşkilat müharibəyə cəlb edilə bilər. Bu, əslində o qədər də böyük səy tələb etmir, lakin Moskva hələlik buna ehtiyac görmür.”
Ekspertin sözlərinə görə, NATO Ukraynadan istifadə edərək Rusiya ilə müharibə aparır:
“NATO artıq başqa dövlətdən istifadə edərək Rusiya ilə müharibə aparır. Deməli, NATO üçün Ukrayna, onun əhalisi, sənayesi, ərazisi və infrastrukturu sadəcə bir yemdir.
Ukrayna Rusiya ilə müharibədə tamamilə təhlükəsiz şəkildə xərclənə bilən resursdur. Lakin NATO və ya onun bəzi böyük üzvləri münaqişəyə müdaxilə edərsə, müharibə taktiki nüvə silahından istifadə edilməklə nəticələnək. Çox güman ki, bu NATO-nun planının bir parçası deyil.
Qərb rəhbərliyinin strateji məqsədləri də tam aydın deyil. Onlar Rusiyadan 50 dövlətə parçalanmağı və bu dövlətlər arasında qanlı müharibələrin baş verməsini istəyirlə ki, regiondakı resurslara nəzarəti ələ keçirtsinlər. Çünki, indi inkişaf vektoru Cənub-Şərqi Asiyaya doğru dəyişir.”
“Qərbin əsas məqsədi Rusiyanı inkişaf etməkdə olan Çinə qarşı qoymaqdır”
“Hindistan əhalisi, Çin və digər ölkələrin əhalisi artıq dünya əhalisinin əhəmiyyətli bir hissəsini təşkil edir. Bu əhali iqtisadi cəhətdən fəaldır, varlanır və orduların sayı artır. Çin donanması artıq bir sıra parametrlərə görə Amerika donanmasını üstələyib.
Çin iqtisadiyyatı artıq aparıcı iqtisadiyyatlardan birinə çevrilib. Çin güclü sənaye bazasına malikdir. Onlar Rusiyanın sadəcə olaraq oriyentasiyasını kökündən dəyişmək və Çinin düşməninə çevirmək məqsədi güdürlər. Beləliklə, bu vəziyyətdə hər şey bu şahmat taxtasında mübarizə aparmağa çalışan oyunçuların qlobal məqsəd və vəzifələrindən asılıdır.”
Fərid Axund
