Apple-dan yenilik - Ağıllı geyim sahibini izləyəcək | Eurasia Diary - ednews.net

18 Noyabr, Bazar ertəsi


Apple-dan yenilik - Ağıllı geyim sahibini izləyəcək

Elm və texnologiya A- A A+

Apple şirkəti yeni patentə imza atıb – bu dəfə parçasında datçiklər olan ağıllı geyim hazırlanıb.

Eurasia Diary xəbər verir ki, Apple sağlamlığa nəzarət etmək üçün sensorlarla təchiz olunmuş yumşaq sürüşkən zolağı təsvir edən patentə görə müraciət edib. Gadget parçaya toxumaq üçün nəzərdə tutulub.

Şirkət orqanizmin həyat üçün vacib funksiyalarına nəzarət edən texnologiyanı birbaşa geyimə tətbiq etməyi planlaşdırır. Digital Trends qeyd edir ki, artıq ağıllı Apple Watch saatları nəbzi yoxlaya və ürəyin ritmlərini çəkə bilir. Bu funksiyaları yəqin ki, ağıllı geyimə də köçürəcəklər. Digər mümkün funksiyalar arasında qan təzyiqinin, nəfəs alıb-vermə tezliyinin, həmçinin, qanda şəkərin və oksigenin səviyyəsinin ölçülməsi də var. Bildirilir ki, ağıllı geyim digər cihaza məlumatlara nəzarət etmək və onları sinxronlaşdırmaq üçün simsiz rabitə ilə qoşulacaq.

Söhbət, çox güman ki, yeni iPhone və Apple Watch-dan gedir. Cihazı səsli göstərişlərin köməyi ilə birbaşa idarə etmək də mümkün olacaq. Parçaya toxunmuş sürüşkən material sayəsində treker daim dəri ilə təmasda olur və beləcə məlumatları rahat oxuya bilir. Ağıllı geyimin bədənə sıx yoxsa boş olacağı hələ ki bilinmir. Patent belə hesab edir ki, ağıllı geyim, elektron komponentlərin zədələnmədən yuyulması üçün davamlıdır. (bizplus.az)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...