Süni intellekt müəyyən tapşırıqları yerinə yetirmək üçün insan zəkasını simulyasiya edən sistemlər və ya cihazlardır. Süni intellekt insan əməyi ilə yerinə yetirilən tapşırıqları daha səmərəli şəkildə həyata keçirmək, müştərilərlə ünsiyyət qurmaq və mövcud problemləri həll etmək üçün istifadə edilir.

Bəs süni intellekt iş müəssisələrinə necə kömək edə bilər?

1. Mövcud məlumatları daha əhatəli anlamaq

2. Proqnozlara əsaslanaraq mürəkkəb və gündəlik işləri avtomatlaşdırmaq

Bəs şirkətlər süni intellektdən necə istifadə edir?

Şirkətlər süni intellektdən əsasən aşağıdakı məqsədlər üçün istifadə edir:

1. Təhlükəli müdaxilələrinin aşkarlanması və qarşısının alınması

2. İstifadəçilərin texniki problemlərinin həlli

3. İstehsalın idarə edilməsi və işlərin asanlaşdırılması

Süni intellektin aradan qaldıracağı peşələr hansılardır?

Müasir dövrdə süni intellektin geniş yayılması və tətbiqi yaxın gələcəkdə bəzi ənənəvi peşə sahələrinin yox olması və ya müxtəlif proqramlarla əvəz edilməsi ilə nəticələnə bilər. ChatGPT proqramı vasitəsilə süni intellektin elmə qazandırdığı yeniliklər aşağıdakı peşələrin sonunu gətirə bilər:

1. Proqramlaşdırma - ChatGPT proqramı istifadəçilərin istəklərinə uyğun şifrələr tərtib edə bildiyi üçün insanlara əlavə  proqramlar istifadə etmədən veb sayt yaratmağa imkan verir. Mütəxəssislərin fikrincə,  2026-cı ilə qədər sadə proqramlaşdırma üsullarının aradan qalxacaq.

2. Jurnalistika və yazıçılıq - “The Guardian” qəzeti məqalə yazmaq üçün ChatGPT proqramından istifadə edib. Hətta bu proqram bir neçə elektron kitab yazıb. Hal-hazırda bu kitablar “Amazon” online platformasında satışdadır. Lakin proqram yazdığı məlumatların doğruluğunu yoxlaya bilmir.

3. Vəkillik - süni intellekt hüquq sahəsinə də yenilik gətirib. Belə ki, süni intelektə malik robot ABŞ-ın Minnesota universitetində dörd fərqli kursda hüquq imtahanından keçib və gələn ay yerli şirkətlərdən birində hüquqi işləri icra etməyə başlayacaq.

4. Müştəri xidmətləri - ChatGPT proqramının insanlarla söhbət etmək və ünsiyyət qurmaq xüsusiyyətləri var. Lakin müştərilərlə empatiya qurmaq imkanının olmaması  faktı ondan tam şəkildə asılılığı istisna edir. Deməli, süni intellekt heç də bütün sahələrdə insan faktorunu əvəz edə bilməz.

Loğman Yunis