Çinin dəstəklədiyi iddia olunan hakerlər ABŞ Maliyyə Nazirliyinin 400-dən çox kompüterinə sızıb.
"EDnyus" xəbər verir ki, hakerlər 3000-dən çox fayla giriş əldə ediblər. “Bloomberg”in məlumatına görə, hakerlərin əldə etdiyi məlumatlar arasında siyasət və səyahət sənədləri, təşkilati planlar, sanksiyalar və xarici investisiyalarla bağlı materiallar yer alıb. Məlumata görə, hakerlər 419 kompüterə sızaraq Xarici Aktivlərə Nəzarət İdarəsi, Beynəlxalq Əlaqələr İdarəsi və Kəşfiyyat və Təhlil İdarəsinə dair məlumatları ələ keçirməyə çalışıblar.
Bildirilir ki, hakerlər çox güman ki, məlumatları oğurlayıblar, lakin Xəzinədarlığın məxfi sistemlərinə və ya e-poçt sistemlərinə giriş əldə etməyiblər. Kəşfiyyat rəsmiləri hücumlarla bağlı araşdırmalar aparır.
