Anna Maria Rozek Varşava şəhər şurasının ən gənc üzvüdür. İxtisasca beynəlxalq hüquqşünas olan xanım Rozek Polşanın Krinisa şəhərində keçirilən İqtisadi Forum çərçivəsində Eurasia Diary analitik portalına müsahibə verib. Müsahibəsində o, ikitərəfli əlaqələr və Varşava ilə Bakı şəhəri arasında birgə əməkdaşlığın perspektivləri barəsində danışıb.
EurasiaDiary: - Xanım Rozek ilk olaraq sizin fəaliyyətiniz haqqında qısa məlumat almaq istərdik ? Bakı barəsində hansı təəssüratlarınız var ?
Anna Maria Rożek : - Mən səyahət etməyi və turizmlə bağlı təklifləri bölüşməyi xoşlayıram. İşimin bir hissəsi olduğu üçün Afrikaya səyahət ilə bağlı çox böyük təcrübəm var. Təəssüf ki, hələ də Bakıda olmamışam. Bununla belə Bakıda yaşayan dostum sayəsində Azərbaycan ilə bağlı yaxşı təsəvvürüm var. Ümid edirəm ki, yaxın zamanda Bakıya səfər edəcəm. Eşitmişəm ki, Bakı inkişaf edib və xeyli dəyişib. Hal-hazırda təmsil etdiyim Varşava şəhəri üçün də bu faktı araşdırmaq mənim üçün vacibdir. Bildiyim qədər Bakı həmçinin çox təhlükəsiz bir yerdir. Hələlik Bakı haqqında mənim təəssüratlarım bu qədərdir.
Eurasia Dairy: - Siz Varşava Şəhər Şurası ilə Bakı İcra Hakimiyyəti arasında ikitərəfli əlaqələr haqqında nə düşünürsüz? Birgə əlaqələrdə hansı sahələri inkişaf etdirə bilərik?
Anna Maria Rożek : -Təəssüf ki, hələlik Varşava Şəhər Şurası ilə Bakı İcra Hakimiyyəti arasında heç bir tərəfdaşlıq razılaşması yoxdur. Ancaq ümid edirəm ki, gələcəkdə birlikdə işləyərək bunu dəyişə bilərik. Biz belə əlaqələr üçün çox açığıq. Bu bizim hər iki ölkənin biznes insanları üçün də lazımlıdır.Beləliklə onlar Bakıya gedib görə bilərlər ki, öz bizneslərini orda inkişaf etdirə bilmək üçün hansı imkanlar var. Eləcə də Azərbaycandan olan iş adamları, biznesmenlər və başqa insanlar da bizim şəhərə gələ bilərlər. Beləliklə biz tələbə, bilik və texnologiya mübadiləsi edə bilərik. Bu elə bir sahədir ki, gələcəkdə mütləq bunun üzərində işləməliyik.
Eurasia Dairy: - Bəs Varşava Azərbaycanlı turistləri özünə necə cəlb edə bilər? Ümumiyyətlə sizing şəhərə turistlərin marağı çoxdurmu ?
Anna Maria Rożek : -Mən sizə səmimi etiraf edim. Polşa Avropanı gəzmək üçün gələn insanlar arasında məşhur bir yer deyil. İnsanlar İtaliya, Fransanı seçir. Polşanı turistlər üçün cəlbedici etməkdə biz çox çətinlik çəkirik. Göstərmək üçün ki, Polşa xeyli dəyişib biz çox reklam edirik. Məsələn, Krakov çox gözəl şəhərdir. Polşa dağları isə tam yaşıldır. Belə görüntünü bəlkə də başqa yerlərdə görmərsiniz. Üstəlik bizim insanlar çox səmimi və mehriban insanlardır. Məncə doğurdan da Polşaya gəlib onu kəşf etmək lazımdır. Hazırda turistlər düşünür ki, birinci İtaliya və Fransanı gəzim, sonra Polşaya gedərəm. Bu onu göstəriri ki, beynəlxalq səviyyədə Polşa turist ölkəsi kimi hələ də yaxşı tanınmayıb. Bunu mən və həmkarlarım çox dəyişmək istərdik. Lakin bunu tək edə bilmərəm. Yenə də öz ölkəm üçün ən yaxşı olanı etməyə çalışıram. Sonda bütün azərbaycanlı turistləri Polşaya , xüsusilə də Varşavaya dəvət edirəm.
Eurasia Dairy: - Anna xanım, müsahibə üçün çox sağ olun.
Ayaz Mirzəyev, Eurasia Diary, Krinisa(Polşa)
.jpg)
