Yarandığı gündən bir sıra uğurlara imza atan “Loqos” Psixoloji Nitq və İnkişaf Mərkəzi beynəlxalq əlaqələrini genişləndirməkdə  davam edir. Belə ki, məlumat verdiyimiz kimi "Loqos" Psixoloji və Nitq İnkişaf Mərkəzinin Türkiyə Üsküdar Universiteti ilə əməkdaşlığı çərçivəsində "Loqos"un rəhbəri Təranə Məmmədova və Üsküdar Universitetinin rektoru pr. Nevzat Tarhanın da iştirakı ilə görüş keçirilib. Rəsmi görüşdə təhsil və sağlamlıq imkanlarının inkişafı haqqında əməkdaşlıq sazişi imzalanıb. Yeni planlar müzakirə olunub, ilk tədbirlərin tarixləri təyin edilmişdir. Həmin tədbirlər planına uyğun olaraq Azərbaycana səfər etmiş nümayəndə heyəti iki günlük  “Loqos” un qonağı olub.

Nümayəndə heyəti ilə keçirilən görüşdə “Loqos” un rəhbəri Təranə Məmmədova, NPİSTANBUL Beyin Hastanesi Tibbi Direktor Yardımçısı, Uluslararası Hasta   Hizmetleri yöneticisi Dr.Hanifi Devrim, Üsküdar Universitesi Erasmus Kurum Koordinatörü, Uluslararası İlişkiler Direktörü Emre Üçsular, Üsküdar Universitesi Genel Sekreter  Selçuk Uysaler və “Loqos” un bır sıra şöbələrinin rəhbər heyəti iştirak ediblər. 

Görüşdən öncə nümayəndə heyəti Şəhidlər Xiyabanını və Türk Şəhidləri abidəsini ziyarət edərək, şəhidlərin əbədi xatirəsini yad ediblər. Daha sonra Bakı şəhəri haqqında qonaqlara geniş məlumat verilib. Nümayəndə heyəti “Loqos” un Yasamal, Gənclik və Azadlıq filialları ilə yaxından tanış olub və mütəxəssislər ilə görüşüblər. Sonra nümayəndə heyəti Loqos" Psixoloji və Nitq İnkişaf Mərkəzi ilə ATV kanalında yayımlanan "Həkimsən" verlişinin qonağı olub və “Loqos” ilə qurulan əməkdaşlıq haqqında geniş məlumat veriblər. Daha sonra “Loqos” da baş tutuan görüşdə konkret olaraq tədbirlər planı müzakirə edilib və bir sıra layihələrin həyata keçirilməsi istiqamətində fikir mübadiləsi aparılıb. Mərkəzin rəhbəri Təranə Məmmədova bildirib ki, başlanan yeni əməkdaşlıq “Loqos” un digər ölkələr ilə qurduğu əməkdaşlıq kimi uğurlu olacaq və bu əməkdaşlıq əhaliyə xidmətin daha da yüksəldilməsinə təkan verəcək.

Çıxış edən qonaqlar Bakı və “Loqos” haqqında xoş təssüratlarını  bölüşüblər və qeyd ediblər ki, “Loqos” ilə başlanan əməkdaşlıq qısa zaman ərzində öz müsbət töhvəsini verəcəkdir.

Görüşün sonunda qonaqlara milli dəyərlərimizi özündə ehtiva edən hədiyyələr və “Loqos” jurnalı təqdim  edilib.