Xaçmazda ağır yol qəzası baş verib, ölən və yaralananlar var - Rəsmi açıqlama | Eurasia Diary - ednews.net

20 Avqust, Çərşənbə axşamı


Xaçmazda ağır yol qəzası baş verib, ölən və yaralananlar var - Rəsmi açıqlama

Cəmiyyət A- A A+

Xaçmazda ağır yol-nəqliyyat hadisəsində bir nəfər ölüb, beş nəfər yaralanıb.

Səhiyyə Nazirliyindən verilən məlumata görə, hadisə nəticəsində Xaçmaz Mərkəzi Rayon Xəstəxanasına altı nəfər çatdırılıb.

Yaralılardan biri Quba rayon Birinci Nügədi kənd sakini, 57 yaşlı Elman Həsən oğlu Babayev aldığı ağır xəsarətlərdən xəstəxanada vəfat edib.

Digər beş yaralı - Quba rayon Birinci Nügədi kənd sakini, 40 yaşlı Xəzər Ağamirzə oğlu Ələkbərov, Ağbil kənd sakinləri - 26 yaşlı Arif Əmrəli oğlu Eyyubov, 37 yaşlı Fərhad İmran oğlu Eyyubov, 27 yaşlı Orxan Məhəmməd oğlu Pirimov və 28 yaşlı Sadıq Sarvan oğlu İskəndərov isə müxtəlif dərəcəli bədən xəsarətləri ilə Xaçmaz Rayon Mərkəzi Xəstəxanasının Travmatologiya şöbəsinə yerləşdiriliblər.

Hazırda yaralılardan yalnız bir nəfər 40 yaşlı Xəzər Ağamirzə oğlu Ələkbərov (sağ diz oynağının əzilmiş və cırılmış yarası, hər iki dirsək sümüyünün sınığı, çənənin əzilmiş cırılmış yarası) diaqnozu ilə həkim nəzarətində saxlanılır. Digər xəsarət alanlar həkim müayinəsindən sonra evə buraxılıb.

Xatırladaq ki, ötən gün Xaçmaz-Quba yolunun Yergüc kəndi ərazisindən keçən hissəsində əks istiqamətlə hərəkət edən iki minik maşını toqquşub. 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...