Polkovnik-leytenant Rəşad Atakişiyev II Fəxri xiyabanda torpağa tapşırılıb. 

***

10.55
 
MiQ-29 təyyarəsinin həlak olan pilotu Rəşad Atakişiyevlə vida mərasimi başa çatıb.   Modern.az-ın məlumatına görə, Silahlı Qüvvələrin Təlim-Tədris Mərkəzində keçirilən vida mərasiminin ardından pilotun nəşi dəfn olunmaq üçün II Fəxri Xiyabana yola salınıb.

Hazırda II Fəxri Xiyabanda dəfn mərasimi keçirilir.

***

Plana uyğun olaraq gecə vaxtı təlim-məşq uçuşları keçirən zaman qəzaya uğrayan Hərbi Hava Qüvvələrinin MiQ-29 təyyarəsinin pilotu polkovnik-leytenant Rəşad Atakişiyevin Silahlı Qüvvələrin Təlim və Tədris Mərkəzində vida mərasimi keçirilir. 

Eurasia Diary xəbər verir ki, bu barədə Müdafiə Nazirliyindən məlumat verilib. 

***

Bu gün səhər saatlarından Azərbaycan Hərbi Hava Qüvvələrinin qəzaya uğramış MiQ-29 təyyarəsinin pilotu, polkovnik-leytenant  Rəşad Atakişiyevlə vida mərasimi keçirlir.

Vida mərasimi Silahlı Qüvvələrin Təlim-Tədris Mərkəzində təşkil olunub. 

Vida mərasimi başa çatandan sonra – günorta saatlarında R.Atakişiyevin cənazəsi II Fəxri Xiyabanda dəfn olunacaq.

Rəşad Atakişiyev 1984-cü ilin yanvarın 7-də doğulub. O, Heydər Əliyev adına Hərbi Akademiyada təhsil alıb.

Azərbaycan Hərbi Hava Qüvvələrinin MiQ-29 təyyarəsi iyulun 24-də gecə təlim-məşq uçuşu keçirən zaman qəzaya uğrayaraq, Xəzər dənizinə düşüb. Bir neçə günlük axtarışlardan sonra öncə təyyarənin qalıqları və “qara qutu”su tapılıb.

Dünən isə pilot Rəşad Atakişiyevin nəşi sudan çıxarılıb

EurasiaDiary © Xəbərlərdən istifadə zamanı hiperlinklə istinad olunmalıdır.