"Məktəbə qayğı təkcə dövlətin işi olmamalıdır" - Əli Əhmədov | Eurasia Diary - ednews.net

15 Oktyabr, Çərşənbə axşamı


"Məktəbə qayğı təkcə dövlətin işi olmamalıdır" - Əli Əhmədov

Cəmiyyət A- A A+

Azərbaycanın Baş Nazirinin müavini, hakim Yeni Azərbaycan Partiyasının sədr müavini – icra katibi Əli Əhmədov 2019-2020-ci tədris ilinin başlanması münasibətilə şagird və valideynləri təbrik edib.

Eurasia Diary xəbər verir ki, Ə.Əhmədovun "Facebook" sosial şəbəkəsində paylaşdığı təbrikində deyilir: "Sentyabrın 16-sı Azərbaycanda yeni dərs ilinin başlanğıcı, Bilik Günüdür. İlk dəfə məktəbə gedənlər başda olmaqla bütün şagirdləri və onların valideynlərini bu münasibətlə təbrik edirəm. Təhsil, bilik müasir cəmiyyətin ən böyük sərvətidir. Dövlətimiz gənc nəslin layiqli təhsil alması naminə geniş imkanlar yaradıb. Bu gün məktəb partaları arxasında oturan yeniyetmələr, universitetlərdə oxuyan tələbələr gələcəkdə Azərbaycanın inkişafına və tərəqqisinə böyük töhfə verəcək, dövlətimizin keşiyində layiqincə duracaqlar. Məktəbə qayğı tək dövlətin deyil, cəmiyyətin hər bir üzvünün işi olmalıdır. İnanıram ki, hər birimizin səyləri nəticəsində yaxşı oxumaq, müasir biliklərə yiyələnmək istəyi yetişməkdə olan nəslin əsas fərqləndirici xüsusiyyəti olacaq. Gəlin uşaq və gənclərimizdə kitaba məhəbbəti, biliklərə həvəsi birlikdə gücləndirək".

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...