Azərbaycanda bələdiyyələrin 1700 TORPAQ SƏRƏNCAMI - LƏĞV EDİLİB | Eurasia Diary - ednews.net

7 Dekabr, Şənbə


Azərbaycanda bələdiyyələrin 1700 TORPAQ SƏRƏNCAMI - LƏĞV EDİLİB

Cəmiyyət A- A A+

Bu ilin əvvəlindən indiyədək Ədliyyə Nazirliyinin Bələdiyyələrlə İş Mərkəzi və regional ədliyyə idarələri tərəfindən 56 985 bələdiyyə aktına baxılıb, onlardan 1749 akt qanunsuz hesab edildiyindən dəyişdirilməsi və ya ləğv edilməsi üçün onları qəbul etmiş bələdiyyələrə təkliflər verilib. Həmin təkliflərdən 1461-i təmin edilib, digərləri isə baxılmaqdadır.

Eurasia Diary xəbər verir ki, bu barədə Bələdiyyələrlə İş Mərkəzinin rəhbəri vəzifəsini icra edən Rəhman Məmmədov bildirib. Onun sözlərinə görə, qanuna əsasən, bələdiyyə aktı qəbul ediləndən sonra onun surəti 15 gün ərzində yoxlanılmaq üçün inzibati nəzarət orqanına göndərilir.

Mərkəzin rəhbəri bildirir ki, ləğv edilən sərəncamların əksəriyyəti bələhdiyyə torpaqları ilə bağlıdır. «Bələdiyyələr tərəfindən 204,88 hektar torpaq sahəsinin qanunsuz olaraq mülkiyyətə, 3971,82 hektar torpaq sahəsinin icarəyə, 50 hektar torpaq sahəsinin istifadəyə verilməsi haqqında qərarlar inzibati nəzarəti həyata keçirən orqanın təklifləri əsasında bələdiyyələr və iddia ərizələri əsasında məhkəmələr tərəfindən ləğv edilib.

Bütövlükdə, 4226,7 hektar torpaq sahəsinin qanunsuz verilməsinin qarşısı alınıb».

Bəzi bələdiyyələrdə daha ciddi hüquq pozuntuları aşkar edilib və toplanan materiallar prokurorluğa göndərilib.(fed.az)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...