Sabah Milli Qəhrəman Albert Aqarunovun şərəfinə ucaldılan abidənin rəsmi açılış mərasimi olacaq.
Eurasia Diary-nin məlumatına görə, açılışda Prezident Administrasiyasının, Gənclər və İdman Nazirliyinin, Müdafiə Nazirliyinin nümayəndələri, Milli Məclisin deputatları, İsrailin Azərbaycandakı fövqəladə və səlahiyyətli səfiri, Azərbaycan Dağ Yəhudiləri İcmasının sədri Milix Yevdayev və digər qonaqlar iştirak edəcəklər.
Heykəl Nərimanov rayonunda Milli Qəhrəmanın adına olan küçədə ucaldılıb Heykəlin kompozisiyası tanınmış heykəltaraş Ömər Eldarova məxsusdur.
Heykəl Nərimanov rayonunda Milli Qəhrəmanın adına olan küçədə ucaldılıb Heykəlin kompozisiyası tanınmış heykəltaraş Ömər Eldarova məxsusdur.
– Adın nədir?
– Albert.
– Hansı millətdənsən?
– Yəhudi.
– Yəhudiləri Azərbaycan torpağını qorumağa nə vadar edir?
– Mən bu torpaqda yaşayıram, doğulmuşam burda, yaşayıram burda, daha heç nə məcbur eləmir.
– Bir vətəndaş kimi borcunu nədə görürsən?
– Gəlib torpağı qorumaqda.
– Nə qədər vuruşmağı düşünürsən?
– Müharibənin axırına kimi…
Bu dialoq yəqin gözünüzdə həmin videonu da canlandırdı. Tank üstündə, gülərüz, nikbin ovqat yaradan ruh halı ilə Albert Aqarunov. Bu gün onun şərəfinə ucaldılan abidə də bizə məhz həmin Alberti xatırladacaq.
Qeyd edim ki, A.Aqarunov 25 aprel 1969-cu ildə Bakının Əmircan qəsəbəsində, yəhudi ailəsində anadan olub.
Qarabağ müharibəsi başlayarkən 1992-ci ildə Albert Aqarunov könüllü olaraq cəbhəyə yollanıb. Tank komandiri təyin edilən Albert Aqarunov Şuşa cəbhəsində döyüşüb.
O Xankəndi, Daşaltı, Cəmilli istiqamətində gedən döyüşlərdə erməni işğalçılarının xeyli canlı qüvvəsini, zirehli texnikasını məhv edib. Ermənilərin Şuşaya hücumu vaxtı Albert Aqarunov düşmənin 9 tank, 7 ZTR və bir çox texnikasını məhv edib.
A.Aqarunov 8 may 1992-ci ildə Şuşa uğrunda gedən döyüşlərdə snayper gülləsinə tuş gəlib və döyüş meydanında şəhid olub.
Bakıda Şəhidlər Xiyabanında dəfn edilib.
A.Aqarunov 8 may 1992-ci ildə Şuşa uğrunda gedən döyüşlərdə snayper gülləsinə tuş gəlib və döyüş meydanında şəhid olub.
Bakıda Şəhidlər Xiyabanında dəfn edilib.
Allah rəhmət eləsin!