1952-ci il 21-22 fevral tarixlərində Pakistanda benqal dilinin qadağan edilməsinə etiraz olaraq, keçirilən aksiyada polis və silahlı qüvvələrin müdaxiləsi nəticəsində 4 tələbə şəhid olub. Banqladeş nümayəndələri fevralın 21-ni məhz həmin şəhidlərin xatirəsinə ehtiram əlaməti kimi Ana Dili Günü adlandırılması haqqında müraciət ediblər.  1999-cu ilin noyabr ayındda  Banqladeş səfirinin təşəbbüsü ilə UNESCO tərəfindən fevralın 21-i Beynəlxalq Ana Dili Günü elan edilib.

Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır. Millətin dilinin dövlət dili statusuna yüksəlməsi tarixi hadisə, milli dövlətçilik tarixinin qızıl səhifəsidir. Bu məqam millətin millət olaraq, təsdiqidir. Çünki dilin dövlət dili statusuna yüksəlməsi millətin öz taleyinə sahibliyinin, dövlət qurmaq və qorumaq qüdrətinin, eyni zamanda, dilinin zənginliyinin sübutudur. Bu mənada dilin dövlət dili statusu qazanması həqiqətən qürur gətirən tarixi hadisədir. 

Azərbaycan dili çox zəngin və dərin köklərə malik bir dildir. Hər bir azərbaycanlı öz döğma dilini sevməli və gələcək nəsillərə mənəvi irs kimi ötürməlidir. Bu bizlərin əsas və ümdə vəzifələrimizdən biridir. Öz doğma dilimizi yad barbar sözlərdən ayrı tutmaq, onların dilimizə vuracağı zərərdən qorumalıyıq. Çünki bu dil bizlərə əcdadlarımızdan əmənətdir. Qeyd edək ki, zaman zaman xalq olaraq, öz doğma dilimiz uğrunda mübarizələr aparmışıq. Azərbaycan dili bu tarixi hadisəni yaşamışdır.

Sonda sonluğu  Azərbaycanın görkəmli şairi Bəxtiyar Vahabzadənin "Ana dili" şeirinin bir misrası ilə tamamlayacayıq.

Bu dil bizim ruhumuz, eşqimiz, canımızdır,

Bu dil bir-birimizlə əhdi-peymanımızdır.

Bu dil tanıtmış bizə bu dünyada hər şeyi,

Bu dil əcdadımızın bizə miras verdiyi

Qiyməti xəzinədir…onu gözlərimiz tək

Qoruyub, nəsillərə biz də hədiyyə verək.

 Günel Ağayeva