Beynəlxalq Avrasiya Mətbuat Fondunun (BAMF) təşəbbüsü ilə Birləşmiş Millətlər Təşkilatının (BMT) Azərbaycandakı nümayəndəliyi və Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “BMT yanında məşvərətçi status: QHT-lər üçün imkanlar və faydalar” mövzusunda vebinar müzakirələr keçirilib.
EDNews.net xəbər verir ki, müzakirələrdə 150-dən çox vətəndaş cəmiyyəti qurumu nümayəndələri, eləcə də Azərbaycan Respublikası Milli Məclisinin deputatı, ATƏT PA-nın vitse-prezidenti, Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının sədri Azay Quliyev, BMT-nin ölkəmizdəki rezident-koordinatoru səfir Qulam İsakzai, BMT Cenevrə ofisi Baş direktorunun QHT-lərlə əlaqə bölməsinin rəhbəri xanım Lidiya Qriqoryeva, Beynəlxalq Demokratik Hüquqşunaslar Assosiasiyasının BMT Cenevrə ofisi yanında daimi nümayəndəsi xanım Mikol Savia iştirak edib.
Vebinar müzakirələr Qeyri-Hökumət təşkilatlarının BMT-nin İqtisadi və Sosial Şurasında təmsilçilik imkanlarından bəhs edir. Video müzakirələrin qısa xülasəsini təqdim edirik: