Ağdamda ermənilərin yaraladığı şirkət əməkdaşının durumu açıqlanıb - ednews.net

17 Yanvar, Bazar ertəsi

Ağdamda ermənilərin yaraladığı şirkət əməkdaşının durumu açıqlanıb

Cəmiyyət A- A A+

Ağdamda ermənilərin yaraladığı "Bakcell" MMC-nin əməkdaşının səhhəti sabitdir.

Bu barədə xəstəxanadan məlumat verilib.

Bildirilib ki, aldığı xəsarətin həyatı üçün təhlükəli deyil və müalicəsi davam etdirilir.

Qeyd edək ki, "Bakcell" MMC-nin əməkdaşı, 1993-cü il təvəllüdlü, Bakı şəhər sakini Anar Məhəmməd oğlu Rəhimli dekabrın 29-u saat 16 radələrində Ağdam rayonunun işğaldan azad edilən "Yeddi xırman" adlanan ərazisində iş görən zaman ermənilər tərəfindən açılan atəş nəticəsində yaralanıb. O, Gəncə şəhərində yerləşən özəl xəstəxanaların birinə yerləşdirilib.

Faktla bağlı Baş Prokurorluğun İstintaq idarəsində Cinayət Məcəlləsinin 214.2.3 (terrorçuluq-odlu silahdan və silah qismində istifadə olunan predmetlərdən istifadə etməklə törədildikdə), 29, 120.2.7 (iki və ya daha çox şəxsi qəsdən öldürməyə cəhd), 29, 120.2.11 (quldurluq, hədə-qorxu ilə tələb etmə, terrorçuluq və ya banditizmlə əlaqədar adam öldürməyə cəhd), 228.3-cü (qanunsuz olaraq odlu silah, partlayıcı maddə əldə etmə, başqasına vermə, satma, saxlama, daşıma və gəzdirmə mütəşəkkil dəstə tərəfindən törədildikdə) və digər maddələri ilə cinayət işi başlanılıb.

Hazırda iş üzrə istintaq davam edir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...