BAMF Şuşa həsrəti ilə yaşayan qərib azərbaycanlıları arzusuna çatdırdı - VİDEO - ednews.net

27 May, Cümə

(+994 50) 229-39-11

BAMF Şuşa həsrəti ilə yaşayan qərib azərbaycanlıları arzusuna çatdırdı - VİDEO

Cəmiyyət A- A A+
Udmurtiya-Azərbaycan Dostluq İctimai Mərkəzinin nümayəndələri Arzu və Çingiz cütlüyü Beynəlxalq Avrasiya Mətbuat Fondunun (BAMF) təşkilatçılığı ilə Ağcabədi rayonunun Minəxorlu kəndində Vətən Müharibəsi şəhidinin ailəsi üçün inşa edilən fərdi yaşayış evinin açılışı üçün Azərbaycana səfər ediblər.
 
Onlar Azərbaycana həm də bir arzularını reallaşdırmağa, sevgilərini tapdıqları şəhərə - Şuşaya qovuşmaq arzusu ilə gəliblər. İlkin mərhələdə Şuşaya açılan səfərlər üçün xarici vətəndaşların səyahət etməsi nəzərdə tutulmadığı üçün cütlük bu işdə bəzi çətinliklərlə üzləşiblər.
 
Bu arzularını reallaşdırmaq üçün son ümid yerlərini BAMF-ın prezidenti Umud Mirzəyevə müraciət etməkdə görüblər. Bu səbəblə cütlük U.Mirzəyevdən onları sevgi şəhərlərinə qovuşdurmağı istəməyə qərar veriblər. BAMF-ın prezidenti onların xahişini nəzərə alaraq cütlüyün Şuşaya səfər etmələrinə köməklik göstərib və onları arzularına çatdırıb.
 
Şuşa arzuları reallaşan Arzu və Çingiz 1980-ci ildən bəri həsrətini çəkdikləri bu ecazkar şəhərə qovuşaraq öz istəklərinə çatıblar.
 
BAMF Arzu və Çingiz cütlüyünün Şuşada yaşadıqları qürurlu, eyni zamanda hüzünlü dəqiqələrini kameranın yaddaşına köçürüb.
 
Xatırladaq ki, bir müddət əvvəl Ednews saytına verdikləri müsahibə zamanı əslən Oğuz rayonundan olan cütlük bildirib ki, ilk dəfə 1980-ci ildə Şuşada qış düşərgəsi zamanı tanış olublar. O zaman Arzu xanım 5-ci, Çingiz bəy isə 7-ci sinif şagirdi olub. Şuşada başlayan tanışlıq, bir-neçə ildən sonra gənclik sevgisinə çevrilib və iki gənc ailə həyatı quraraq Udmurtiyaya köçüblər.
 
BAMF-ın vitse-prezidenti, tanınmış jurnalist Günel Gözəlovanın təqdimatında hazırlanan videosüjeti təqdim edirik:

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...