Azərbaycan Dövlət Neft Akademiyasında törədilən terror hadisəsindən 13 il ötür. 

2009-cu il aprelin 30-da səhər saatlarında ADNA-nın Bakı şəhəri Dilarə Əliyeva küçəsi, 227 ünvanında yerləşən ikinci korpusuna daxil olan Gürcüstan vətəndaşı, 1980-ci il təvəllüdlü Fərda Qədirov binanın birinci mərtəbəsindən altıncı mərtəbəsinədək qarşısına çıxan şəxslərə “Makarov” tipli tapançadan atəş açıb. 

O, hadisə zamanı 12 nəfəri öldürüb, 13 nəfəri yaralayıb. Daha sonra intihar edib.

Hadisə zamanı həyatlarını itirənlər onlar idi...

Savalan Cabbarov...

Bacısını qorumaq üçün dəhlizə çıxan, qatillə əlbəyaxan olub 7 güllə ilə öldürülən  Savalan Cabbarov ağlaya-ağlaya qrup yoldaşlarının qollarında can verdi.

Ayaz Bağırov...

Pianoda ifası, 2 əcnəbi dil bilməsi onu çoxlarından fərqləndirirdi. Elə ölümü də... Hadisə günü səhər yatıb qalan Ayaz Bağırovun anası oyatmağa əli gəlmədiyi halda qatil gülləsinə oyatmışdı sanki. Alnından güllələnən Ayaz hadisədən bir gün əvvəl dostuna yazdığı mesaj sabah baş verəcəklər haqda qısa xatırlatma idi: 

"Növbəti günün bərbad olacağını bilə-bilə hələ də üzündə saxta təbəssüm saxlamaq çox dəhşətlidir. 

Taleh Məmmədov...

Boğazından girən güllə kürəyindən çıxaraq şah damarını zədələyən Taleh Məmmədovun ölüm səbəbi isə şiddətli qanaxma oldu. Yaralanan andan son nəfəsinə kimi dostlarından yardım istəyən Talehin həmin gün kreditə aldığı diz üstü kompyuteri müəmmalı şəkildə oğurlanır.

Emin Abdullayev...

2009-cu ilin yanvarında ailəsi ilə sonuncu dəfə Yeni ili qeyd edən 20 yaşlı Emin Abdullayev... Eminin ailəsi onu Gəncədəki evlərində gözlədiyi halda meyidini qarşılayırlar.

Yusif Bəndəliyev...

Həftədə cəmi bircə dəfə həmin həmin korpusda dərsi olan, dərs günü hadisə gününə təsadüf edən Yusif Bəndəliyev. Həmin an tələbələr güllə səsindən auditoriyanı tərk edirlər. Tələbələri ilə otağı tərk edən Yusif sinifdə qalan telefonu üçün geri dönür. Telefonunu götürüb otaqdan çıxan Yusif elə  sinifin qarşısında qatillə üz-üzə gəlir.  Qatillə əlbəyaxa olsa da  aldığı güllələrdən yerindəcə keçinir. Yumruğunu sıxıb onu vurmaq istəyən Yusifin barmaqlarını ölümündən sonra da açmaq mümkün olmayıb. Deyilənə görə elə əlləri yumulu formada da dəfn olunub.

Ruslan Babaşov...

Gözü zəif olan Ruslan Babaşova hadisədən bir gün əvvəl atası eynək alır. Həmin gün ilk dəfə dərsə eynəkdə gələn Ruslan yaddaşlarda da o cür həkk olundu: Eynəyi gözündən düşən Ruslan kimi...

Ceyhun Aslanov...

Xərclərini qarşılamaq üçün restoranda ofsiant işləyən, 1 həftə dərsə gedə bilməyib həmin gün hamıdan tez universitetə tələsən Ceyhun Aslanov da  qatil gülləsinə tuş gəldi. Həmin gün təsadüf onu öz ayaqları ilə əcəli qarşılamaq üçün  universtetə gətirdi.  Ceyhun son nəfəsini tələbəsi olduğu universitetdə verdi...

Ləman Abbaslı