Natiq Məmmədli: - “Media reyestrinə fəal jurnalistika ilə ardıcıl məşğul olan şəxslər düşəcək” - ednews.net

7 İyul, Cümə axşamı

(+994 50) 229-39-11

Natiq Məmmədli: - “Media reyestrinə fəal jurnalistika ilə ardıcıl məşğul olan şəxslər düşəcək”

Cəmiyyət A- A A+
"Jurnalistlərin media reyestrinin yaradılması yaxın vaxtlarda başa çatacaq".
 
Ednews xəbər verir ki, bunu Medianın İnkişafı Agentliyinin eksperti Pərvanə İbrahimova “Əhalinin maarifləndirilməsində Ədliyyə Nazirliyinin rolu” mövzusunda keçirilən təlim zamanı bildirib. 
 
Onun sözlərinə görə, media reyestrinə düşmək üçün media subyekti ilə əmək müqaviləsi imzalanmalı və işlədiyi qurum da reyestrə daxil olmalıdır.
 
“Media haqqında” qanun barədə müzakirə olunan məsələlərdən biri də media reyestrinə kimlərin daxil edilməsi ilə bağlıdır. Müəyyən müddət jurnalistika fəaliyyətilə məşğul olub, sonradan karyera istiqmətini dəyişən şəxslər reyestrə düşməyəcəkləri üçün narazıdırlar.
 
Medianın İnkişafı Agentliyinin media subyektləri və jurnalistlərlə iş şöbəsinin müdiri Natiq Məmmədli Ednews-a açıqlaması zamanı məsələyə aydınlıq gətirib.
 
 
“Media haqqında” qanuna görə, reyestrə 3 il stajı olan, əmək müqaviləsi və ya mülki hüquq müqaviləsi, yəni VÖEN əsasında hər hansı bir media subyektində işləyən jurnalist daxil ediləcək. Bura fəal jurnalistika ilə ardıcıl məşğul olan şəxslər düşəcək. Reyestr sözünü qeydiyyat kimi anlamaq olar və bu könüllü olaraq həyata keçirilir. Uzun müddət jurnalist kimi çalışaraq reputasiya qazanmış, sonradan fəaliyyət istiqamətini dəyişən insanlara reyestrə düşmək heç nə verməyəcək”.   
 
N. Məmmədli onu da əlavə edib ki, jurnalist vəsiqəsi olmayan, amma bu istiqamət üzrə fəaliyyət göstərən “bloqer”, “yutuber” və ya ictimai fəalın qeydiyata düşməsinə ehtiyac yoxdur. 
 
“Çünki, VÖEN-lə işləyən şəxslər vergi ödəyicisi kimi artıq elektron hökumət portalında qeydiyyatdadır. Şəxsin ad və soyadını yazmaqla onun haqqında bütün məlumatlar çıxır”.
 
Xatırladaq ki, Azərbaycan Respublikası Ədliyyə Nazirliyinin, Media İnkişaf Agentliyinin, Azərbaycan Hakimlər Assosiasiyaları İttifaqının təşkilatçılığı ilə media nümayəndələri üçün "Ədliyyə orqanlarında və məhkəmələrdə kommunikasiya siyasəti" mövzusunda təlim keçirilib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...