Bir neçə gün öncə İsmayıllının Qalacıq kəndində yerli sakinin şortik geyindiyi üçün iki kişi turisti qovmağa çalışması ilə bağlı sosial şəbəkələrdə görüntülər yayılıb. Videoda kənd sakini bu geyim tərzinin yerli adətlərə uyğun olmadığını əsas gətirərək turistlərin ərazidən uzaqlaşmasını tələb edərkən aralarında mübahisə yaranıb.
Sosioloq Əhməd Qəşəmoğlu Ednews-a açıqlaması zamanı bildirib ki, şortik geyinməkdə bir problem yoxdur, amma bu kənddə olmaz.
“İnsan bir yerə gedəndə yerli sakinlərin dünya görüşlərini nəzərə almalıdır. Burada günah kəndlinin deyil, şortiklə ora gedənindir”.
Sosioloqun sözlərinə görə, müasir insan gərginlik yaradacaq vəziyyətlərə şərait yaratmayana deyilir.
“Bəli ökədə elə proseslər gedə, elə maarifləndirmə işəri aparıla bilər ki, İsmayıllı sakini də şortik geyinməkdə problemin omadığını fikirləşər. Amma hələ ki, o belə düşünmür və biz ona deyə bilmərik ki, sən geri qalmısan”.
İlahiyyatçı alim Elşad Miri isə bildirib ki, dində buna normal baxılır. Onun sözlərinə görə, Quranda bu haqda hər hansı bir məhdudiyyət yoxdur.
“Dində uniforma anlayışı yoxdur. Hər kəs nəyi necə geyinəcəyinə özü qərar verir. İslam çölümüzlə deyil, daxilimizlə maraqlanır”.
Gülnar Səlimova
.jpg)
