Azərbaycanda meşə yanğınları niyə yayılır? - FHN-dən açıqlama - ednews.net

30 Sentyabr, Cümə

(+994 50) 229-39-11

Azərbaycanda meşə yanğınları niyə yayılır? - FHN-dən açıqlama

Cəmiyyət A- A A+

Xəbər verdiyimiz kimi Zaqatala rayonunun dağlıq ərazilərində meşə yanğınları davam edir.

Sosial şəbəkələrdə yayılan görüntülərdən yanğının söndürülməsində daha çox əl əməyindən istifadə olunduğu müşahidə edilir. Yanğın üç gündü davam edir. Maraqlıdır ki, yanğının bu qədər yayılmağının qarşısını almağa nə mane olur?

Bununla bağlı FHN-in Mətbuat xidməti şöbəsinin baş məsləhətçisi Pərviz Aslanov Ednews-a açıqlamasında bildirib ki, yanğının yayılmasının qarşısının alınması və tam söndürülməsi istiqamətində lazımi tədbirlər görülür.

“Çətin relyefli yüksək dağlıq-meşəlik ərazidə avqustun 30-u günorta saatlarından başlayan yanğının söndürülməsi üçün əraziyə Fövqaladə Hallar Nazirliyinin Zaqatala və Balakən rayonlarının Dövlət Yanğından Mühafizə Hissəsinin müvafiq texnikaları, 100 nəfər şəxsi heyəti, FHN-nin aviasiya dəstəsinin iki helikopteri, Ekologiya və Təbii Sərvətlər Nazirliyinin, DİN-nin Zaqatala rayon Polis Şöbəsinin əməkdaşları, icra nümayəndəlikləri, yerli sakinlər cəlb edilib. Hazırda ərazidə 400-dən yuxarı canlı qüvvə əl əməyindən istifadə etməklə yanğının söndürülməsi üçün iş aparır”.

Qeyd edək ki, bir neçə gün öncə Quba, İsmayıllı Şabran rayonlarında da meşə yanğınları baş vermişdi. Ümumiyyətlə, meşə yanğınlarının bu qədər geniş vüsət almasına səbəb nədir? 

FHN-dən verilən məlumata ölkədə son dövrlər baş verən meşə yanğınlarının ilk növbədə qlobal istiləşmənin təsirindən qaynaqlandığı bildirilib. Bununla yanaşı, qeyd edilib ki, qlobal istiləşmənin təsirindən əlavə, yanğınların baş verməsinin əsas səbəbi insan faktoru olaraq qalır.

“Bəzi insanların sadə yanğın təhlükəsizliyi qaydalarına etinasız münasibəti və məsuliyyətsiz davranışı milli sərvətimiz olan meşələrdə yanğınların baş verməsinə, onilliklər ərzində formalaşmış meşə fondumuza, flora və faunaya ziyan vurulmasına gətirib çıxarır”.

Ayan Rzayeva



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...