Azərbaycanda ən çox müzakirə olunan məsələlərdən biri də “uşaq pulu”nun verilməsi ilə bağlıdır. Hər nə qədər ictimaiyyətdə, Milli Məclis səviyyəsində bu məsələ dəfələrlə müzakirə olunsa da hələlik nəticə arzuedilən deyil.
Millət vəkili Aqil Abbas Ednews-a açıqlamasında bildirib ki, “uşaq pulu” məsələsi milli məclisdə dəfələrlə qaldırılıb, amma həllini tapmayıb.
“Mən peyğəmbər deyiləm ki, nə vaxt həll olunacağını bilim. Müharibədən sonra dağıdılan şəhərlərin yenidən bərpası da buna təsir edir. İnanıram ki, dövlətin iqtisadi gücü güclənsə bu məsələyə yenidən baxıla bilər”. - deyə millət vəkili qeyd edib.
Xatırladaq ki, 2006-cı il 1 iyun tarixindən etibarən Azərbaycanda “uşaq pulu” verilmir.
Ayan Rzayeva
