“Musiqiçilər nə qazanır ki, onlardan tibbi sığorta ödənişi tələb edirlər?!” - Professordan ETİRAZ - ednews.net

25 Sentyabr,

(+994 50) 229-39-11

“Musiqiçilər nə qazanır ki, onlardan tibbi sığorta ödənişi tələb edirlər?!” - Professordan ETİRAZ

Cəmiyyət A- A A+

Azərbaycanda toy aparıcıları, çalğıçılar, rəqqasəlar, dərzilər və bərbərlər icbari tibbi sığorta ilə əhatə olunacaq. Bununla bağlı "Tibbi sığorta haqqında” qanuna dəyişiklik layihəsi parlamentin Səhiyyə komitəsinin keçirilən iclasında müzakirə edilib.

Sənədin qəbulu ilə bu kateqoriyadan olan fiziki şəxslər minimum əməkhaqqının 4%-i miqdarında məbləğ ödəməklə icbari tibbi sığortanın xidmətlərindən bəhrələnə biləcəklər.

Maraqlıdır, incəsənət xadimləri bu barədə nə fikirləşirlər?

Azərbaycan Milli Konservatoriyasının professoru, musiqiçi Abbasqulu Nəcəfzadə Ednews-a qərarla bağlı danışarkən deyib ki, hər bir qanunun müsbət və mənfi tərtəfləri var.

“Musiqiçilər nə qazanır ki, onlardan tibbi sığorta ödənişi tələb etsinlər. Düzdür, reklamla fantastik qiymətlərlə toylara gedən ifaçılar da var. Amma elə şadlıq sarayları var ki, sahibləri orada ifa edən müğənnilərə heç bir ödəniş etmir. Yığılan sabaşlardan 5-10 manat paylarına düşsə şansları gətirir. Adamın ürəyi ağrayır, bu adam orada bütün günü oxuyur, amma, bir manat da qazana bilmir. Heç onları düşünən var? Nə qazanırlar ki, bir də onlardan tibbi sığorta tələb olunsun. Dövlət onlara maaş təyin etsin, daha sonra tibbi sığorta pulu ödəyərlər”.

Sonda sənətçi bunları bildirib:

“Musiqiçilərdən bir tərəfdən sığorta, bir tərəfdən vergi tələbi məncə çox gülünc məsələdir”.

Ayan Rzayeva



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...