Partlayıcı Sursatların Təhlükəsinə dair Maarifləndirmə (PSTM) Proqramı Avropa İttifaqının maliyyə yardımı, UNICEF-in Azərbaycan Nümayəndəliyinin və ANAMA-ın dəstəyi ilə Beynəlxalq Avrasiya Mətbuat Fondu Tərtər rayonun Seyidimli kəndinin sakinləri ilə görüş keçirib.

Ednews xəbər verir ki, görüşdə rayonun kənd sakinləri, ağsaqqallar, məktəblilər iştirak edib. İştirakçılara mina təhlükəsizliyi ilə bağlı geniş məlumat verilərək maarfiləndirmə işləri aparılıb. Layihə müharibədən, onun ən ağır təhlükəsi olan minalardan əziyyət çəkən əhalinin bu istiqamətdə maariflənməsi, məlumatlı olması və davranış qaydalarına daha məsuliyyətli yiyələnməsi zərurəti üçün nəzərdə tutulub.

Bu günkü görüşün əsas məqsədi son zamanlar həyata keçirilən və uzun müddətdir ki, maarifləndirmə işlərinə baxmayaraq, regionda minaya düşmə hallarıdır.

Layihə çərçivəsində keçirilən görüşdə iştirak edən kənd sakinlərlə mina təhlükəsizliyi ilə bağlı maarfiləndirmə işləri aparılıb. Aparılan maarifləndirmə işləri effektli alınıb.

Oktyabr ayında Tərtər rayonunda minalarla bağlı 3 hadisə baş verib. Hadisə nəticəsində zərər çəkənlərdən iki nəfər Səhləbad, digər bir nəfər isə Seyidimli kənd sakinidir. Zərərçəkən şəxslər fiziki məhdudiyyətli vəziyyətə düşüblər.

Qeyd edək ki, 2020-ci ilin sentyabr ayından bu ilin oktyabr ayının 23-ünə olan statistikaya görə, respublika üzrə 262 mina hadisəsi baş verib. Bunlardan 26 hadisə Tərtər rayonu ərazisində baş verib. 

Xatırladaq ki, 30 il ərzində 3336 mina hadisəsi yaşanıb.

Partlayıcı Sursatların Təhlükəsinə dair Maarifləndirmə (PSTM) Proqramı davam edəcək.