Almaniyanın İrandakı səfiri Hans Udo Motsel ölkənin Xarici İşlər Nazirliyinə çağırılıb.
Ednews xəbər verir ki, diplomat Almaniyada İranda baş verən son hadisələrlə bağlı İnsan Hüquqları Şurasının növbədənkənar iclasının keçirilməsi təşəbbüsünə və Almaniyanın İrandakı etirazlarla bağlı bəyanatlarını təkrarlamasından sonra İran XİN-ə çağırılıb.
Ona İran hökumətinin rəsmi etiraz notası təqdim olunub.
Həmçinin, Almaniya səfirinə İnsan Haqları Şurasının növbədənkənar iclasının son qətnaməsinin siyasi yanaşmaya əsaslanan yanlış addım olduğu bildirilib. İranın bu qətnamə əsasında hazırlanan hər hansı bir mexanizmlə əməkdaşlıq etməyəcəyi qeyd olunub.
