Həyatınızda heç olmasa bir dəfə müsbət düşüncənin gücünü hiss etmisiz? Əmin ola bilərsiniz ki, kainat və insan arasındakı bağ əslində düşündüyünüzdən qat-qat güclüdür. Beyninizdən keçən hər fikir, dodaqlarınızdan çıxan hər söz kainatın sizə xidmət etməsinə kömək edir. Gəlin, cazibə qanununun nə olduğuna və onun necə işlədiyinə nəzər salaq.

Cazibə qanunu nədir? 

Kainat və insanlar arasındakı əlaqənin enerjiyə əsaslanan ünsiyyət olduğunu fərz edən üsul cazibə qanunu adlanır. Dünyada bir çox insanlar enerjidən düzgün istifadə edərək arzularına çata biləcəklərinə inanırlar. Kainatın bir sirri olduğunu və bu sirrin cazibə qanunundan keçdiyini düşünən milyonlarla insan da mövcuddur.  'Sirr' kitabında ətraflı izah edilən bu üsul kainata göndərdiyiniz mesajların həyatınızda baş verən mühüm hadisələrin gedişatını dəyişdirdiyini göstərir.

Kainatda hər şeyin enerjidən ibarət olduğunu nəzərə alsaq, enerjidən  bir çox hadisələrin gedişatını niyə dəyişmək mümkün olmasın? Cazibə qanununa inanan insanlara görə, hər kəsin həyatı kainata göndərdiyi mesajla düz mütənasib olaraq hərəkət edir. Biz həyatla, insanlarla, heyvanlarla və ağlınıza gələn hər şeylə enerjinizin nisbətində ünsiyyət qurur və onları həyata keçiririk. Bəs, bu enerji yalnız müsbət düşüncə ilə mümkündürmü?

Cazibə qanununa görə düşündüyünüz hər şey hər an kainata ötürülür və taleyinin axarını dəyişir. Beləliklə, təkcə müsbət düşüncələriniz kainatla ünsiyyətdə deyil, bütün mənfi düşüncələriniz də kainatla əlaqə yaradır və həyatınıza təsir edir. Odur ki, cazibə qanununa görə, fərdin başına gələn hər şey onun düşüncəsi ilə bağlıdır. Yəni bizdən çıxmayan heç bir enerji geri qayıda bilməz.

Sözləriniz də kainata göndərdiyiniz mesajlar haqqında düşüncələriniz qədər təsirlidir

Söhbət yalnız düşüncələrdən getsə də, sözlərimiz də həyatımızda düşüncələriniz qədər təsirlidir. Çox güman ki, həyatda davamlı olaraq neqativ hallarla qarşılaşan insanların üsyanları ilə rastlaşmısız. Bu tip insanlar həyatlarına birdən çox pis hadisə cəlb edirlər. Düşüncə tərziniz və ağzınızdan çıxan hər bir mənfi şey eksponent olaraq sizə qayıdır.

Bəs bunun qarşısını necə almaq olar?

Siz fərqinə varmadan cazibə qanunu daim işləyir işləyərək sizinlə və düşüncələrinizlə əlaqə saxlayır. Mənfi düşüncələrinizi cazibə qanunundan qorumaq üçün etməli olduğunuz ilk şey müsbət enerjili insan olmaqdır. Müsbət düşüncə və xoş niyyət cazibə qanununun sizə xidmət etməsinə kömək edir. Buna görə düşüncələriniz və sözləriniz cazibə qanunu üçün həmişə vacibdir. İnanmadan pozitiv düşünməyə çalışsanız, kainat sizə xidmət etməyəcək. Cazibə qanunu birbaşa sizinlə və enerjinizlə əlaqə qurur. Buna görə də nə istədiyinizi müəyyənləşdirmək və aydın olmaq çox vacibdir. İstəklərinizi daim xatırlamağınıza kömək etmək üçün bir neçə yolla cazibə qanununu sizə xidmət etdirə bilərsiniz. Bu üsullardan ən təsirlisi "xəyal lövhəsi" üsuludur. Bütün arzularınızı birləşdirərək, böyük bir lövhə hazırlayın və onu hər gün görə biləcəyiniz yerə qoyun. Bu sayədə hər zaman eyni şövqlə istəklərinizi kainata ötürə bilərsiz. Cazibə qanunu sizdən fikirlərinizin nə qədər dəyərli olduğunu dərk etməyi, inanaraq aydın xəyallara sahib olmağı tələb edir. Əgər mənfi düşüncələrdən qurtula bilmirsinizsə, bu, həyatınıza müsbət bir şey əlavə etməyiniz lazım olduğunu göstərir. Tədbir görmək üçün gecikməyin. Aydın xəyallar və düşüncələr bütün arzularınızı sizə çatdırır. Soruşun, aydın olun və etibar edin!

 

Təbii daşların enerjiyə təsiri

 

Sizə xidmət edən cazibə qanunu həmişə kortəbii şəkildə baş verməyə bilər. Bu zaman təbii daşların güclü enerjilərindən faydalana bilərsiniz. Xüsusilə ehtiyacınız olan təbii daşı seçib enerji sahənizi ehtiyaclarınıza uyğun formalaşdırmaq mümkündür. Elementlərin çatışmadığı yerləri təbii daşlarla sağaltmaqla cazibə qanununu çox daha güclü işlədə bilmək mümkündür.

 

Xəyallarınız sanki reallaşıbmış kimi hərəkət edin

 

Cazibə qanununa görə, bütün istəklərinizi yerinə yetirilmiş kimi qəbul etməlisiniz. Bu nə qədər qəribə səslənsə də, enerjinizi müsbət tərəfə yönəltməyə kömək edəcək. Xüsusilə arzularınız varmış kimi məqalələr yazmaqla cazibə qanununun işləməsini sürətləndirə bilərsiniz. İstədiyiniz şeyə nail olduqdan sonra sizə təsir edəcəyini düşünün və hiss edin. Bu anda hiss etdiyiniz fikir, enerjinizin cazibə qanununa uyğun olmasına kömək edəcək.

 

Nəzrin Beydiyeva

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary