Dünyanın nüfuzlu media orqanlarında, jurnallarında hər il “İlin adamı” seçilir. Nüfuzlu “Time” jurnalı bu il Ukrayna Prezidenti Vladimir Zelenskini “İlin adamı” seçib.

Azərbaycanda bu ada kim layiqdir? “İlin adamı” sizcə kimdir?

Ednews müxtəlif peşə sahibləri ilə sorğu keçirib. Sorğunun cavablarını təqdim edirik:

Xalq yazıçısı Anar: “İlham Əliyev”.

Millət vəkili Cavanşir Feyziyev: “Doğrusu, seçimim yoxdur. Elə bir qeyri-adi hadisə baş verməyib ki, kimsə gözlənilməz dərəcədə fərqlənsin. Hamı öz işini görüb”.

Xalq artisti Nurəddin Mehdixanlı: “Xüsusi Təyinatlı Qüvvələrin komandanı, general-leytenant Hikmət Mirzəyev”.

Qazi, jurnalist Rey Kərimoğlu: “İlham Əliyev”

Müğənni Damla: “İlham Əliyev”.

Rejissor Ayaz Salayev: “İlham Əliyev”.

Həkim, tibb üzrə fəlsəfə doktoru Rəşid Mahmudov: “İlham Əliyev”.

Politoloq Oktay Qasımov: “İlham Əliyev”.

İqtisadçı-ekspert Eyyub Kərimli: “İlham Əliyev”.

Şair Aqşin Yenisey: “Baxır "İlin adamı"nı hansı kriteriyalara görə seçirik. Əgər xalqın sevgisinə görə seçiriksə, sözsüz ki, "İlin adamı" meyxanaçı Baləlidir”.

Naşir Şahbaz Xuduoğlu: “İlham Əliyev, Mehriban Əliyeva,  Qurban Qurbanov”.

Androloq-uroloq Vasif İsmayıl: “İlham Əliyev”.

Hüquqşünas Şamil Paşa: “İranın Kərəc şəhərində öldürülən azərbaycanlı şairə Hədis Nəcəfi”.

Qeyd edək ki, Azərbaycanda ilin adamı mükafatı - 2001-ci ildə Azərbaycanın Milli Qəhrəmanı Çingiz Mustafayev adına Fond və ANS Şirkətlər Qrupu tərəfindən təsis edilmişdi. Müxtəlif vaxtlarda bu mükafata layiq görülənlər sırasında sabiq Bakı meri Hacıbala Abutalıbov, Qafqaz Müsəlmanlar İdarəsinin rəhbəri Alllahşükür Paşazadə, Milli Qəhrəman Mübariz İbrahimov, Xalq rəssamı Tahir Salahov və sair kimi tanınmış şəxslər almışdı. 2005-ci ildən sonra bu mükafatın verilməsi dayandırılıb.

Oğuz Ayvaz