Təbrik məktubunda BAMF-ın beynəlxalq təcrübəsinə, maddi-texniki bazasına görə təkcə Azərbaycanda deyil, region miqyasında tanınmış qeyri-hökumət təşkilatlarından birinə çevrildiyi qeyd edilib. Cənab Cəfər Cəfərov fondun Qarabağ münaqişəsi və bütövlükdə ölkəmiz haqqında obyektiv informasiyanın beynəlxalq aləmə çatdırılmasında yaxından iştirak etdiyini vurğulayıb. Bundan başqa ADPU rektoru Umud Mirzəyevə universitet nəzdində fəaliyyət göstərən İctimai Şuranın sədri kimi tədris və təlim-tərbiyə prosesinin təkminləşdiriməsi və şəffaflığın artırılmasında göstərdiyi dəstəyə görə təşəkkür edib.
Xatırladaq ki, bu il Beynəlxalq Avrasiya Mətbuat Fondunun fəaliyyətə başlamasının 30 illiyi tamam olub.
BAMF-ın 30 illik yubileyi ilə əlaqədər beynəlxalq təşkilatların nümayəndələri, xarici qonaqlar, dövlət xadimləri və bir çox rəsmi şəxslərin iştirakı ilə böyük tədbir keçirilib.
Həmçinin yubiley münasibətilə BAMF-ın prezidenti Umud Mirzəyevə müxtəlif dövlət qurumları və tanınmış şəxslər tərəfindən təbrik məktubları ünvanlanıb.