İctimai nəqliyyatda gediş haqları bahalaşdıqdan sonra bəzi sahələrdə də artımın olması barədə iddialar dolaşmağa başlayıb. Bununla yanaşı dekabr ayında da digər qida məhsullarında da   artım müşahidə olunub. Maraqlıdır ki, bundan sonra bu  sahələrdə yenidən  qiymət artımı müşahidə oluna bilər?

İqtisadçı-ekspert Natiq Cəfəli Ednews-a açıqlamasında  bildirib ki, nəqliyyatda gediş-haqqının artması Tarif Şurası  tərəfindən  tənzimlənir.   Onun sözlərinə görə Tarif Şurasının artırdığı qiymət digər sahələrə təsir göstərmir.  

“Ərzaq məhsullarının qiymətinin bahalaşmasına təsir göstərən amillər başqadır. Sadəcə ölkədə qiymət artımı olanda hamı elə bilir ki, digər sahələrdə də qiymətlər artacaq”.

Ekspert qiymət artımına səbəb yerli istehsalın zəif olması və  hökümətin əlavə dəyər vergisini azaltmaması ilə əlaqələndirib. 

“Digər səbəblərdən ölkədə rəqabət mühitinin olmamasıdır. Bütün bunlar qiymət artımına səbəb olur. Bu tendensiya davam edəcək. Çünki buna səbəb olan problemlər həll olunmur. Lakin ictimai nəqliyyatın qiymətinin artması burada heç bir rol oynamır”.

Ayan Rzayeva

• Tag:
• ictimai nəqliyyat