“Türkiyə ərazisi ilə Balkan ölkələrinə qazın tranziti məsələsi həllini tapıb. Hazırda Türkiyə üzərindən Balkan ölkələrinə qazın çatdırılması üçün hazırlıq işləri gedir”.
Ednews xəbər verir ki, bu barədə energetika naziri Pərviz Şahbazov fevralın 3-də Cənub Qaz Dəhlizi Məşvərət Şurası çərçivəsində nazirlərin 9-cu iclası və Yaşıl Enerji Məşvərət Şurası çərçivəsində nazirlərin 1-ci iclasının yekunlarına dair keçirilən brifinqdə bildirib.
Nazir tranzitlə bağlı hər hansı xüsusi sənədin imzalanmasına ehtiyac olmadığını bildirib, çünki vaxtilə bununla bağlı müvafiq sənədlər imzalanıb.