Xəbər verdiyimiz kimi, bu gün “Space” TV-nin baş direktoru, Əməkdar incəsənət xadimi Müşfiq Hətəmov kanaldan istefa verib. Onu "Parni iz Baku” KVN komandasının keçmiş üzvü, əməkdar incəsənət xadimi Vado Karovin əvəz edib. Artıq yeni baş direktor kollektivə də təyin olunub. 

Gizli mənbədən Ednews-a bildirilib bu gün səhər saatlarında işə gələn əməkdaşlar xəbəri eşidəndə çox təəccübləniblər.

“Biz dünən gec saatlara qədər kanalda işlərimizi görürdük və dünənə qədər bu gündəmdə deyildi. Müşfiq müəllimin istefaya gedəcəyi barədə heç bir söz-söhbət yox idi. Nə oldusa bir gecədə oldu. Səhər işə gələndə bu xəbəri eşidəndə çox məyus olduq. Çünki Müşfiq müəllim işinin peşəkarl idi, qısa zaman ərzində komandanı formalaşdırmağı, öz ətrafında toplamağı bacarmışdı. Yolu açıq olsun”. 

Məsələ ilə bağlı Müşfiq Hətəmovla əlaqə yaratmağa cəhd etsək də cəhdlərimiz boşa çıxıb. Qarşı tərəf zənglərimizə cavab verməyib.

Xatırladaq ki, M.Hətəmov bu vəzifəyə 2021-ci ilin may ayında təyin olunmuşdu. 

• Tag:
• Müşfiq Hətəmovun İSTEFA SƏBƏBİ NƏ OLUB?