İranda azərbaycanlıların ana dilində təhsil problemi bütün cəmiyyəti narahat etməkdədir.
Ednews xəbər verir ki, Beynəlxalq Ana dili Günü ilə bağlı Urmiya şəhərində azərbaycanlı aktivistlər maraqlı təşəbbüslə çıxış ediblər.
Belə ki, cənubda İran rejiminin sıxışdırdığı həmvətənlərimizə dəstək, xüsusilə də, azyaşlıların öz ana dillərində dərs vəsaitlərinə çıxışını qismən də olsa təmin etmək məqsədilə məktəblilərə Azərbaycan və türk dillərində kitablar, tədris materialları paylanılıb.
Həmçinin, bir neçə gün əvvəl Urmiyada keçirilən İran Kuboku matçı zamanı “Navad Urmiya” futbol klubunun azərbaycanlı azarkeşləri stadionda “hər kəs üçün türk dilində bir məktəb olmalıdır” şüarını səsləndiriblər.
Törə Zeynallı
