“Ayı artıq nəsli kəsilməkdə olan heyvanlar siyahısında deyil”.
Ednews xəbər verir ki, Ümumdünya Vəhşi Təbiət Fondunun Azərbaycan nümayəndəliyinin sədri Elşad Əsgərov bildirib ki, vəhşi heyvanların artırılmasının bəzi səbəbləri var. Bu lap qədim insan dövründən gəlib.
“Keçən əsrin əvvəlində 1932-ci ildə Astara rayonunda turan pələngi sonuncusu ovlanıb. Talış meşələrində marallar ovlanıb. İndiki görülən işlər isə nəsli kəsilmiş heyvanları başqa yerlərdən gətirib, bərpa etməkdir. Əsasən, məməli heyvanların nəsli kəsilmək üzrədir. İnsanlar qida məqsədi ilə olan və yaxud yırtıcıları ovlayırlar. İri yırtıcı məməlilərdən olan bəbir artıq təhlükə altındadır. Zolaqlı kaftar isə çox nadir hallarda rast gəlinir. Dəqiq elmi məlumat ötən əsrə aiddir. Ayı artıq nəsli kəsilməkdə olan heyvanlar siyahısında deyil. Bundan başqa bezuar keçiləri və buffonlar da nəsli kəsilməkdə olan heyvanlar siyahısındadır. "Qırmızı Kitab"ın birinci nəşrində məməli heyvanlar və bəzi yırtıcılar sayı 14 idisə, 2013-cü il nəşrində 43 olub”.
Aysel Şahmar