"Qərb mediasında, sanki Vətən müharibəsinin Ermənistanın öz torpaqları üstündə olduğu haqqında yazılar görə bilərik".
Ednews xəbər verir ki, bunu Dünya Müsəlman İcmaları Şurasının Baş katibi Matz Mohy Abdulhamid deyib. Bakıda keçirilən İslamofobiya ilə Beynəlxalq Mübarizə Gününə həsr olunan “İslamofobiya irqçiliyin və ayrı-seçkiliyin spesifik forması kimi: Yeni qlobal və transmilli çağırışlar” konfransında çıxışı zamanı deyib.
Onun sözlərinə görə, ermənilərin işğal etdikləri ərazilərdə 57-ə yaxın məscid dağıdılıb.
"Amma buna baxmayaraq 44 günlük Vətən müharibəsində erməni media qurumları özlərini təcavüzə uğrayırmış kimi göstərirdilər. Azərbaycanın müharibədə qalib gəlməsi Qərbin xoşuna gəlmirdi. Ermənilər müharibə olmayan yerlərə də atəşlər açır, sivil əhalini narahat etməyə çalışırdılar. Bu da Ermənilərin necə qəddar olduğunun göstəricisidir. Mülki əhalinin yaşadığı yerlərə raket atmaq birbaşa təcavüzkarlığın göstəricisidir. İslamofobiya müsəlmanlara qarşı edilən haqsızlıq bizi çox narahat edir. Qərb dövtləri 44 günlük müharibədə erməniləri necə dəstəklədiyini görə bilərik. Elə düşünürdülər ki, bu müharibə Ermənistan-Azərbaycan arasında yox, müsəlman və qeyri-müsəlman arasında idi".
Aysel Şahmar