“Azərbaycanda bu günə qədər 3361 nəfər minadan zərər çəkib”.

Bu sözləri Ednews-a Azərbaycanda Minadan Zərərçəkənlərin Assosiasiyası İctimai Birliyinin sədri Rey Kərimoğlu Beynəlxalq Mina Xəbərdarlığı və Mina Aksiyasına Yardım Günü ilə bağlı danışarkən deyib. 

Onun sözlərinə görə, mütəmadi olaraq minalarla bağlı işğaldan azad edilmiş ərazilərə səfərlər təşkil olunur.

“Mina qurbanları ilə görüşlər keçirilir. Bu görüşlərlə yanaşı problemlərin mahiyyətini, həlli yolarını araşdırırıq. Həmçinin problemlərin həlli üçün müxtəlif dövlət qurumlarına və millət vəkillərinə məlumat vermişik.  Azərbaycanda bu günə qədər 3361 nəfər minadan zərər çəkib. Onlardan 576 nəfəri vəfat edib.  2020-ci il 10 noyabr sazişindən sonra 288 nəfər minaya düşüb. Onlardan 50 nəfər həlak olub. Azərbaycan  minaların təmizlənməsi sahəsində təkdir. Böyük dövlətlər və Beynəlxalq qurumların dəstəyi yoxdur. Mina təhlükəsizliyi baxımından maarifləndirmə işləri aparmaq lazımdır. Elə vaxt olub ki, maarifləndiryimiz ailənin üzvü mina qurbanı olub”.

Qeyd edək ki, 2020-ci il müharibəsinin sonundan bəri 288 azərbaycanlı minaya düşüb, onlardan 50-si həyatını itirib.

Aysel Şahmar