Ötən gün Ermənistan silahlı qüvvələrinin Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın istiqamətindəki mövqelərini atəşə tutması nəticəsində şəhid olan hərbçi Vidadi Nizami oğlu Zalov dəfn olunub.
Ednews xəbər verir ki, şəhidin nəşi Abşeron rayonunun Saray qəsəbəsindəki Şəhidlər Xiyabanında torpağa tapşırılıb.
Vida mərasimində şəhidin yaxınları, hərbçilər, ictimaiyyət nümayəndələri iştirak ediblər.
***
Şəhid gizir Vidadi Zalov Saray qəbristanlığında dəfn edilir.
Ednews xəbər verir ki, mərasimdə Saray qəsəbə sakinləri, Abşeron RİH, hüquq-mühafizə orqanlarının rəhbərləri, ictimaiyyət nümayəndələri, qulluq etdiyi hərbi hissənin hərbçiləri iştirak edir.
***
Ötən gün ermənilərin Laçın rayonunun Ermənistanla sərhədində törətdiyi təxribat nəticəsində şəhid olan hərbçilərimizdən biri - Vidadi Nizami oğlu Zalov bu gün Abşeron rayonunun Saray qəsəbəsində dəfn olunacaq. Hazırda onunla vida mərasimi keçirilir.
Ednews Bizim.Media-ya istinadən xəbər verir ki, gizir Vidadi Zalov ailənin yeganə oğlu olub.
Qeyd edək ki, aprelin 11-i saat 16:20 radələrində Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonu istiqamətindəki üzbəüz mövqelərini müxtəlif çaplı silahlardan istifadə etməklə atəşə tutub.
Daha sonra qarşı tərəf minaatan və iriçaplı silahlardan da istifadə etməklə mövqelərimizi atəşə tutmaqda davam edib.
Hərbi qulluqçularımızın sayıqlığı nəticəsində Ermənistan tərəfinin təxribatının qarşısı qətiyyətlə alınıb, atəş mövqeləri susdurulub.
Allah rəhmət eləsin!
