Son günlər taksi qiymətlərində artım var. Bunu həm sürücülər, həm də sərnişinlər təsdiq edirlər. Buna səbəb kimi “Formula-1” yarışları səbəbindən mərkəzi yolların bağlı olması göstərilir.

Vətandaşlar bildirir ki, qiymət artımı hər taksi şirkətlərində fərqlidir. Ümumi artım 40 faizə qədərdir.

Taksi sürücüləri isə qiymət artımının başqa səbəblərinin də olduğunu bildirirlər.

Məsələ ilə bağlı Ednews-a nəqliyyat üzrə ekspert İlqar Hüseynli bildirdi ki, bunun əsas səbəbi ölkəmizdə keçirilən Formula-1 yarışları səbəb olmuşdur. 

“Yolların bağlanması ilə əlaqədar olaraq sürücülər müəyyən olumuş yollarla deyil, daha fərqli istiqamətləri seçməli olurlar. Bu da əlavə olaraq benzinin vurulmasına səbəb olur ki, nəticəsindədə qiymətlərin 30%-dək artmasına səbəb olur. Artıq yarışlar bitsə də ölkəmizdə çoxlu sayda turistlərin olması və insan sayısının çoxalması ilə əlaqədar qiymətin bahalaşması bunun əsas səbəblərindən biri kimi göstərilir. Əsas artım isə həftəsonu müşahidə olunur. Belə ki, həftəsonu ictimai nəqliyyat işləmədiyindən, taksi xidmətinə tələbat artır və bu, bahalaşmaya səbəb olur. Xüsusilə də isti və günəşli havanın müşahidə olunduğu həftəsonu çimərliklərə gedənlərin say çoxluğu qiymətlərə təsir edir. Taksilər ucuz tarifə qısa məsafəni yox, baha qiymətə olan uzun məsafəni seçdiyindən, taksi çatışmazlığı da hiss olunur”.

Qeyd edək ki, Taksi şirkətlərindən verilən məlumata görə, bahalaşmaya səbəb Bakıda keçirilən Formula-1 Azərbaycan Qran-Prisi ilə bağlı bir çox yolların bağlanması və ciddi tıxacların yaranmasıdır. Eyni zamanda, yarışa görə paytaxta gələn çoxsaylı turist taksiyə tələbatın artmasına səbəb olub. Yollar açıldıqdan və yarışı izləməyə gələn turistlər geri döndükdən sonra qiymətlərin stabilləşəcəyi gözlənilir.

Aytac