Ötən gün “Dünya Ərzaq Mükafatı”nın sahibi olan “Sülhün Kökləri” (“Roots of Peace”) təşkilatının rəhbəri Heidi Kuhn aldığı pul mükafatını işğaldan azad edilmiş ərazilərimizin minalardan təmizləməsinə dəstək üçün hədiyyə edib.
Ednews xəbər verir ki, bu barədə bu gün onun "Canlanan torpaq" kitabının təqdimat mərasimində deyilib.
Beynəlxalq Avrasiya Mətbuat Fondunun (BAMF) prezidenti Umud Mirzəyevin dəvəti ilə Azərbaycanda səfərdə olan “Sülhün Kökləri” təşkilatının rəhbəri Heidi Kühn “Dünya Ərzaq Mükafatı” laureatına layiq görülüb. Onun aldığı mükafata görə 250 min dollar alacaq. Dünən gecə elan etdi ki, bu vəsaiti Azərbaycanda mina təmizləmə işinə sərf edəcək. Və dünyadakı əsas donorlara çağırış etdi ki, Azərbaycanda mina təmizləmə işinə ciddi dəstək olsunlar.
Qeyd edək ki, 1986-cı ildən bugünədək hər il keçirilən mükafatlandırma mərasimində irqindən, dinindən, milliyyətindən və ya siyasi əqidəsindən asılı olmayaraq, dünyada qidanın keyfiyyətini, kəmiyyətini və ya mövcudluğunu yaxşılaşdırmaqla insanlığın inkişafına dəstək göstərmiş şəxslər “Dünya Ərzaq Mükafatı” ilə təltif edilir.
Artıq 2-ci dəfə ölkəmizdə səfərdə olan təşkilat rəhbərinin kənd təsərrüfatına dəstək məqsədilə “Minalardan Üzümlüyə” (“Mines to Vines”) adlı təşəbbüsü ilə minalarla çirklənmiş ərazilərin əkin sahələrinə çevrilməsinə dəstək verir.
Aysel Şahmar