Xəbər verdiyimiz kimi, Əl Cəzirə Media Şəbəkəsinin əsas qollarından biri olan “Əl-Cəzirə Sənədli filmlər” departamentinin icraçı direktoru Əhməd Məhfuz və Planlaşdırma və Tərtibləmə şöbəsinin rəhbəri Adel Ksiksi Beynəlxalq Avrasiya Mətbuat Fondunun dəvəti ilə Azərbaycana səfərə gəliblər.
Ednews xəbər verir ki, qonaqlar səfər çərçivəsində Bakı Media Mərkəzini ziyarət ediblər. Qonaqları Bakı Media Mərkəzinin icraçı direktoru Orman Əliyev qarşılayıb. Görüşdə əməkdaşlıq barəsində müzakirə aparılıb.
BAMF-ın iştirakı ilə “Əl-Cəzirə Sənədli filmlər” departamenti Bakı Media Mərkəzi arasında əməkdaşlıqla bağlı qərar qəbul edilib.
İyunun 11-dək davam edəcək səfər zamanı Azərbaycan Respublikası Minatəmizləmə Agentliyi (ANAMA), Azərbaycan Respublikası Mədəniyyət Nazirliyi, Bakı Media Mərkəzi, Azərbaycan Respublikası Prezidentinin Qarabağ Xüsusi nümayəndəliyi, Dövlət Turizm Agentliyi, İçərişəhər Dövlət Tarix-Memarlıq Qoruğu İdarəsi və digər rəsmi qurumların rəhbərlikləri ilə görüşlərin keçirilməsi planlaşdırılır.
Qeyd edək ki, bu əməkdaşlıq BAMF ilə Əl Cəzirə Media Şəbəkəsi arasında bağlanan anlaşma memorandumuna əsaslanır.
Oğuz