60 və daha yuxarı yaşlı müəllimlər builki sertifikasiya imtahanlarında iştirak etməyəcək.
Ednews xəbər verr ki, bu barədə bu gün Təhsil İnstitutunun direktoru Rüfət Əzizov brifinqdə deyib.
“Həmin müəllimlərin imtahanda könüllü iştirak etməsi qanunvericiliklə tənzimlənəcək”,- deyə o bildirib.
Qeyd edək ki, sabah 28 minə yaxın müəllim sertifikasiya imtahanında iştirak edəcək. 8500 nəfər Azərbaycan dili və ədəbiyyat, 19 500 nəfər isə ibtidai sinif üzrə prosesə cəlb olunacaq. İmtahan gün ərzində, səhər və günorta olmaqla iki seans təşkil ediləcək.