Karantin rejimi elan ediləndə ilk dövrlər insanların psixologiyasına mənfi təsirləri çox idi. Pandemiya şəraiti ilə əlaqədar bəzi məhdudiyyətlər aradan qaldırıldı. İnsanlar son zamanlar sərhədlərin açılmasını gözləyirdi.
Ednews-a danışan psixoloq Gülnar Orucova bildirir ki, sərhədlərin açılması bir müddət də uzandı. Bu hal insanları çox məyus etdi:
“Çünki hərkəs hava yolları ilə istirahətə gedir bilmir. Quru yolla bəzi insanlar Türkiyə, Gürcüstan kimi ölkələrə dincəlməyi planlayırdılar. İnsanların planlarının pozulması, onlarda stress, depressiya, gərginlik kimi hallarla özünü göstərəcək. Bəzi İnsanlar bildirirlər ki, mütləq xaricdən istirahət olmalıdır. İstirahət hər bir insanın beynində fərqli olur. O mühitə, ailəyə, yaşam tərzinə görə, dəyişik olur. Bəziləri ancaq evində film izləyərək, sakit bir şərait də, bəziləri isə hər hansı bir rayona gedərək istirahət edirlər. Amma bəzisi istəyir ki, ölkəni tərk edib 1 həftəlik də olsa başqa bir dövlətdə, başqa bir mühitdə, istirahət etsinlər. Son dönəmdə insanların ən çox məyus edən bu oldu.”
Psixoloq həmçinin onu da bildir ki, ümumiyyətlə pandemiya sonrası istər pandemiya dövrü insanların psixoloji durumunda kifayət qədər gərginlik, əsəb pozuntusu yaratdı.
“Pandemiya insanlarda ölüm qorxusu, stressə davamsızlıq yaratdı. İnsanlarda əsəbilik, səbirsizlik, aqressiya yarandı. Post pandemiya dövrü insanlarda bu halları yaratdı. Bəzən də həmin virusa yoluxan insanların ətrafda olması və yaxud da iş yerinizdə olması sağlam insanların onlara yanaşma tərzi insanlarda narahatlıq yaratdı.”
G. Orucova vurğuladı ki, postpandemiyanın yaxşı cəhətləri də oldu. Azadlığın məhdudlaşdığı dönəm oldu. İnsanlar öz azadlıqlarının qədrini bildilər. İnsanlar o bezdikləri, yorulduqları, hərgün getmək istəmədikləri işi səbrizliklə gözlədilər.Ailə içindəki İnsanlar bir-birinə daha yaxın oldu. İnsanlar bir- birinin bilmədikləri xarakterini bildilər. Pandemiya dövründə boşanmaların da sayı artdı.
Aynurə İsmayıl