Xəbər verdiyimiz kimi, tanınmış aparıcı Natəvan Babayeva uzunsürən xəstəlikdən sonra iyulun 20-si vəfat edib.
Ednews Bizim.Media-nın Cənub bürosuna istinadən xəbər verir ki, bu gün səhər saatlarında tanınmış telejurnalist Natəvan Babayeva dəfn olunub.
Mərhum aparıcı doğulduğu Salyanın Xələc kəndində torpağa tapşırılıb. Dəfn mərasimində jurnalistin həmkar dostları da iştirak edib.
Qeyd edək ki, Natəvan Babayeva uzun müddət idi onkoloji xəstəlikdən əziyyət çəkirdi. Onun bir neçə gün öncə müalicə üçün Türkiyəyə getmək istəyərkən hava limanında halı pisləşmiş, bu səbəbdən xəstəxanaya yerləşdirilmişdi. O, 46 yaşında vəfat edib.