Ermənistan hakimiyyəti hansı səbəbə Brüsseldə təklif olunan Ağdam-Xankəndi yolundan istifadə etməkdən imtina edir?
Mövzu ilə bağlı Ednews-un sualını cavablayan millət vəkili Aydın Hüseynov bildirdi ki, birinci növbədə Ermənistan hökuməti beynəlxalq hüquq normalarına həmişə hörmətsiz yanaşır. İstənilən razılaşmanı heç vaxt əsas götürməyib, üzərinə düşən öhdəliyi yerinə yetirməyib:
“Bu Azərbaycan üçün yeni məsələ deyil. Ermənistan 30 il idi ki, Birləşmiş Millətlər Təşkilatının qətnaməsini yerinə yetirmirdi. 2020-ci ildə əldə edilən razılaşmaya görə komunikasiyanın açılaması ilə bağlı ən başlıcası olan öhədliyə əməl etmir. Ermənistan hökuməti daim kənardan idarə olunan bir dövlətə çevrilib. Bu da beynəlxalq aləmə bəllidir. Ancaq bununla belə Qarabağda yaşayan erməni əsillərin “blokada”da olması ilə bağlı hay-küyü çox qəribədir. Əgər söhbət humanitar yardımdan gedirsə, Azərbaycan Ağdam-Xankəndi yolunu təhrif edir. Digər tərəfdən isə onlar Laçın yolu vasitəsi ilə bir şou düzəldirlər”.
Deputat qeyd edib ki, bu yaxınlarda Brüsseldə keçirilən üçtərəfli görüşdə də Avropa İttifaqı Şurasının Prezidenti Şarl Mişel bu humanitar marşrutu dəstəkləyib:
“O da Qarabağda yaşayan ermənilərin ərzaq və humanitar yardım tədarükü üçün Ağdam yolundan istifadə edilməsini daha etibarlı həll variantı kimi görür. Ancaq ermənilər bu yoldan istifadə etməkdən imtina etməklə növbəti siyasi spekulyasiyalara, riyakarlığa əl atmaqdadır.
Ermənistan heç vaxt Qarabağda yaşayan erməni əsilli vətəndaşlarını fikirləşməyib. Bu heç vaxt baş verməyib, yalnız onlardan bir alət kimi istifadə edir. Azərbaycan suverən dövlətdir. Ölkəmiz ərazisində marşurutları özü müəyyənləşdirir və çox asan, optimal bir yol təhrif edir. Bu yoldan istifadə etmirlərsə, deməli Ermənistan hakimiyyətini öz vətəndaşları maraqlandırmır. Bütün bunları da siyasi şouya çevirmək yersizdir. Beynəlxalq hüuquq da onu əsas verir ki, Azərbaycan öz suverən ərazisində hakimiyyətini idarə edir”.
Oğuz