Təbiətdə baş verən fəsil dəyişikliyi, günəş işığının azalması, havaların soyuması, arxada qalan yay xatirələri əhval-ruhiyyənin aşağı düşməsinə səbəb olur. Payız depressiyası həmin hisslərin təsiri nəticəsində yaranır.
Psixoloqlar payız fəslində depressiv halların daha çox müşahidə edildiyini söyləyirlər. Bu haldan necə qorunmalıyıq? Depressiyaya düşməmək üçün hansı alternativ yollar var?
Bu barədə tanınmış psixoloq Gülnar Orucova Ednews-a bildirdi ki, depressiyanın ümumilikdə bir neçə növü var.
“Major, minor, distim depressesiyları. Günəşdən enerji alan insanlar var. Həmin insanlar günəşi görəndə xoşbəxt olur. Eyni zamanda günəş bədənimizdə xoşbəxtlik hormonunu artırır. Bəzən insanları xoşbəxt edəcək qidalar da var. Hansı ki, onlar insanın bədənində xoşbəxtlik hormononu artırdığı üçün insanların əhvalları çox yüksək olur. Payız fəsilində günəşin azalması həmin bu günəşdən enerji alan insanlar da depressiv vəziyyət yaranır. Bəzi insanlar var ki, payızın ətrini duyanda xoşbəxt olur. Ümumiyyətlə, insanlar psixoloji vəziyyətləri biri-birindən fərqlidir”.
Psixoloq onu da qeyd etdi ki, payız depressiyası yay boyunca istirahət etməyən, incə ruhlu, həzin qəlbli insanlarda daha çox yazar ruhlu insanlarda bu fəsildə depressiyanın olması təsadüf olunur.
G.Orucovanın fikrincə epressiyadan xilas olmaq üçün ilk növbədə günü rejimə salmaq, gecələr 8 saatdan az olmayaraq yatmaq lazımdır.
“Çox mühüm məsələlərdən biri dörd divar arasında qapanıb qalmamaq, dost və yaxınlara vaxt ayırmaqdan ibarətdir. Kafedə yaxın dostlarla içilən bir fincan çay bəzən bir psixoloqun seansını əvəz edə bilər. Ovqatı yaxşılaşdıran məsələlər haqqında düşünmək və onları həyata keçirməyə çalışmaq lazımdır”.
Aynurə İsmayıl