Hər il qış aylarının sərt keçəcəyi ilə bağlı xəbərdarlıqlar yayılır. Ancaq son illərə nəzər yetirsək Bakıda və eləcədə rayonlarda qış ayları dondurucu, şaxtalı keçmir. Xüsusən də paytaxt bir neçə ildir ki, əsl qar görmür. Bəs, görəsən bu qış Bakını və rayonları güclü qar gözləyir?

Bu barədə Ednews-a meteroloq Cavidan Əliyev bildirdi ki, ölkə ərazisində payız aylarında müşahidə edilən müsbət temperatur anomaliyaları əksər hallarda qışın soyuq və yağıntılı başlanacağına işarədir:

“Çünki Azərbaycanda qışın qarlı keçməsi üçün şimalda soyuq antitsiklonun formalaşması lazımdır. Nəzərə alsaq ki, Skandinaviya ölkələrində, Rusiyanın şimal-qərb hissəsində temperature 5, 10 dərəcə, bəzi yerlərdə isə normadan daha aşağıdır. Çünki orada artıq soyuq antitsiklon formalaşmışdır. Bu da Azərbaycan üçün qışın əvvəlində çox şaxtalı və soyuq hava kütlələrinin daxil olacağı ehtimalını artırır. Orada bu tərzdə yüksək təzyiq zonaları əmələ gələndə Azərbaycana doğru hərəkət etmiş olur. Amma bunu bütün qış üçün demək çətin olar”. 

Ekspert ehtimal edir ki, bu qış Bakıda qarlı havalar olacaq:

“Əlbəttə ki, belə soyumuş hava kütlələri Bakıda da qarın yağmasına səbəb olar. Sadəcə dediyim kimi şimalda Arktik mənşəli antitsiklonun formalaşması şərtdir. Heç bir uzunmüddətli proqnozda o qədər dəqiqlik qeyd olunmur. Bu dəqiqlik yaxın 3-5 gün, bəzi hallarda 7 günə verilir. Uzun müddətə yalnız tendensiya göstərilir”.

Oğuz